Վերջերս մի կին մահացավ՝ Կիմա անունով, նրան ֆեյսբուքցիները սպանեցին

Загрузка...

Սա ուղղված է վերջերս ֆեյսբուքում հայտնված նիկոլապաշտներին, որոնք Նիկոլ Փաշինյանին արջի ծառայություն են մատուցում և վնասում ոչ միայն նրան, այլ նաև երկրին: Ֆեյսբուքում էլ կան մայթին թքողներ ու կոկորդ մաքրողներ, քաղաքի փողոցները աղբաման ու մոխրաման սարքողներ, մարմնի տարբեր մասերից տարբեր բույրեր արձակողներ, այսինքն այս ամենի վիրտուալը, բայց նույնքան և ավելի տհաճ: Վերջերս մի կին մահացավ՝ Կիմա անունով, նրան ֆեյսբուքցիները սպանեցին: Ես այդ կնոջը չեմ ճանաչել և ֆեյսբուքյան ընկեր էլ չէինք, ավելին քանիցս նկատել եմ իմ հանդեպ տգեղ, անհիմն գրռումների, բայց թե ինչ արեցին էդ կնոջ հետ բոլորովին վերջերս ի հայտ եկած ՙՙհայրենասերները՚՚ հնարավոր չէ պատկերացնել և ահա հետևանքը: Էսպես որ գնա մենք միայն մի բան կփաստենք, որ հենց մենք ենք կերտել մեր այս ճակատագիրը և ոչ մի պատմական անց ու դարձ, ոչ մի օտար ազգ, ոչ մի , մեղա մեղա, թուրք կամ դրա ճերմակ տեսակը մեզ չի վնասել, բացի մեզնից: Էսպես որ գնա 4 չէ, 14 չէ,114 հանրապետություն հռչակենք և նույնքան էլ հեղափոխություն անենք գնալով կքչանանք, կփոքրանանք և կվերանանք: Փոխարենը արիական ազգից խոսելու և միայն օրանգուտանին բնորոշ քոմենթներ գրելու մի նյութի տակ, որը չեք էլ կարդացել, չեք էլ լսել, մտեք ձեր տան լողարանը և միայն այնտեղ հոգացեք ձեր պետքերը, հետո միայն մարդամեջ դուրս եկեք: Հ.Գ. Այս առավոտ հանդիպածս քոմենթների կապակցությամբ, որոնք գրված էին Անդրիաս Ղուկասյանի հարցազրույցի տակ, որ դրել եմ իմ էջում և որը վերաբերում է Սարի թաղի ոստիկանության կատարած բռնություններին՝ 2016-ի հուլիսի 29-ին, որը ՀՔԾ-ն կարճել է և որի կապակցությամբ Անդրիաս Ղուկասյանը բերում է ապշեցուցիչ ցնցող փաստեր: ՈՒզում եմ զգուշացնել, որ ֆեյսբուքը ոչինչ չի որոշում այ անուղեղ քոմենթջիներ, ամենաշատը ձեր մանր կրքերը կբավարարեք:

Դերասանուհի Թամար Հովհաննիսյանի ֆեյսբուքյան գրառումը

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...