Փողոցներում կտեղադրվեն 2000-ից ավել տեսախցիկներ

Առաջիկայում փողոցների տեսնակարահանումը խստացվելու է: Տեղադրվելու է մինչեւ 2 հազար հատ նոր տեսախցիկ: Այս տեղեկությունը «Հայկական ժամանակ»-ին փոխանցել էին ոստիկանության աղբյուրները: Ոստիկանապետ Վալերի Օսիպյանը ՀԺ-ի հետ զրույցում չի հերքել տեղեկությունները:

«Այդպիսի մի ծրագիր կա, որ պարեկային ծառայության անցնելով՝ կառավարությանը նմանատիպ առաջարկություն ներկայացնենք: Սա արվում է վարորդներին զսպելու նպատակով, քանի որ վրաերթերի, ՃՏՊ-ների, վիրավորների թիվը շատ է: Ես անթույլատրելի եմ համարում նման քանակը»,- ասաց Վալերի Օսիպյանը:

Անդրադառնալով տեղադրվող տեսախցիկների թվաքանակին՝ Օսիպյանը նշեց, որ հնարավոր է այն երկու հազարից ավելի լինի կամ պակաս: «Սա ամենեւին չի նշանակում, որ մենք ամեն տեղ մեր քաղաքացիներին բռնելու ենք, պատժենք եւ գումար վերցնելով՝ տուգանենք: Հակառակը, մենք ուզում ենք զսպել մեր վարորդներին, որպեսզի ճանապարհային երթեւեկության կանոններին է՛լ ավելի հարգալից պահպանեն, քանի որ երթեւեկության բոլոր մասնակիցներն ունեն նույն հավասարությունը»:

Ոստիկանապետի փոխանցմամբ՝ տեղադրվող տեսախցիկները չեն նպաստելու միայն ՃՏՊ-ների թիվը կրճատելուն եւ իրավախախտ վարորդներին շուտ հայտնաբերելուն: «Նպատակ կա նաեւ հանցագործությունները նախականխել եւ կանխել»,- ասաց նա:

Այժմ անհայտ է, թե ծրագիրն ինչ ֆինանսական միջոցների հաշվին է իրականացվելու: Հարցին՝ արդյո՞ք պետբյուջեի հաշվին է իրականացվելու, Վալերի Օսիպյանը պատասխանեց, որ քննարկվում է նաեւ այլ ֆինանսական միջոցների ներգրավման տարբերակը: Առաջիկայում ծրագիրն իրականացվելու է միայն Երեւանում, կախված արդյունքներից՝ տեսախցիկներ կտեղադրվեն նաեւ հանրապետության մյուս քաղաքներում:

Նմանատիպ նորություններ

Կամ վարչապետը պետք է պատասխանատվության ենթարկվի, կ... Կամ վարչապետը պետք է պատասխանատվության ենթարկվի նախկին նախագահի բարի համբավը, նաև պետական կարևորագույն ինստիտուտը վարկաբեկելու համար, կամ նախկին նախագ...
Կոտայքի մարզպետը եթե չգիտի ասեմ,որ ձեր մարզում նոր... Կոտայքի մարզպետը եթե չգիտի ասեմ,որ ձեր մարզում նոր զիբիլանոցա ուզում բացվի: Աշխարհագրական կոորդինատներն են Գեղադիր և Ողջաբերդ գյուղերի արանքը: Ավե...
Նարեկ Մալյանի գործով «Ռեստարտի» ևս 4 անդամի մեղադր... Նախկին ոստիկանապետ Վլադիմիր Գասպարյանի խորհրդական Նարեկ Մալյանի և «Ռեստարտ» նախաձեռնության անդամների միջև տեղի ունեցած դեպքի առթիվ «Ռեստարտ» նախաձ...
Իշխանության վարկանիշը իջնում է անասելի արագությամբ... Մամուլը գրում է,որ ռեֆորմիստները սկսում են բողոքի ակցիաներ:Այո նման քննարկում իրոք եղել է մեր կառույցներում,սակայն այս պահին նման որոշում չկա: ...
«Կարիք չկա Ֆեռարիով իրեն հասնել, որովհետեւ Նիկոլ Փ... Փաշինյանի կառավարումը վերածվել է մեքսիկական սեիալի՝ սելֆի-լայվ-ասուլիս, սելֆի-լայվ-ասուլիս. սա է նրա 11 ամսվա կառավարման բնութագիրը,- Henaran.am -...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով