«Սահմանադրությունը փոխել՝ վերարտադրվելու համար, բնորոշ է Ադրբեջանին, Թուրքմենստանին». Արմեն Աշոտյան

«Ես վստահ եմ՝ Նիկոլ Փաշինյանն այնքան հագեցած, հոգնեցուցիչ և հյուծող այց է ունեցել, այնքան լարված է եղել մինչև այց, այցի ընթացքում և հետո, որ մոռացել է, որ ՀՀ-ում կա գործող Սահմանադրություն և իր քաղաքական ցանկությունները, այնուհանդերձ, պետք է ինստուտոցիոնալիզացնի բացառապես ՀՀ Սահմանադրության շրջանակներում»,- այսօր ԱԺ-ում լրագրողների հետ զրույցում հայտարարեց ՀՀԿ-ական պատգամավոր, ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը՝ մեկնաբանելով Նիկոլ Փաշինյանի հայտարարությունը Սահմանադրություն փոխելու նախաձեռնության մասին:

Հարցին, թե ինչո՞ւ ՀՀԿ-ն չի ցանկանում Սահմանադրությունը փոխել, Ա.Աշոտյանը կատակով օրինակ բերեց, թե եթե մի գեղեցիկ, չամուսնացած աղջկա հարցնեն կամուսնանա՞ս, կասի՞ այո, եթե չգիտի` ով է այդ մարդը, ինչ ընտանիքից է. «Սահմանադրական փոփոխություն կոչվածը,

եթե բացառապես նպաստելու է գործող իշխանությունների վերարտադրությանը, ապա կրկնում են այն արատավոր պրակտիկան, որի մեջ նախկինում ընդդիմադիր Նիկոլ Փաշինյանը մեղադրում էր մեզ: Եթե սահմանադրական փոփոխությունները տալու են պետության զարգացման հնարավորություն, տեսլական, առաջընթաց, ապա խորհրդարանական կառավարության մոդելից որևէ մեկը, այդ թվում՝ գործող իշխանությունը, չի հրաժարվել: Սահմանադրությունը փոխել՝ վերարտադրվելու համար, բնորոշ է Ադրբեջանին, Թուրքմենստանին»:

Ա.Աշոտյանն ընդգծեց, որ Սահմանադրությունները չեն կարող փոխվել այս կամ այն անձի ցանակություններից ու նկրտումներից ելնելով: Ըստ նրա՝ իշխանությունը խնդիր ունի այս բարձր լեգիտիմությունը, որ դեռ գոյություն ունի վարչապետի անձի շուրջ, ուղղել բարեփոխումներին:

 

 

168.am

Նմանատիպ նորություններ

Կամ վարչապետը պետք է պատասխանատվության ենթարկվի, կ... Կամ վարչապետը պետք է պատասխանատվության ենթարկվի նախկին նախագահի բարի համբավը, նաև պետական կարևորագույն ինստիտուտը վարկաբեկելու համար, կամ նախկին նախագ...
Կոտայքի մարզպետը եթե չգիտի ասեմ,որ ձեր մարզում նոր... Կոտայքի մարզպետը եթե չգիտի ասեմ,որ ձեր մարզում նոր զիբիլանոցա ուզում բացվի: Աշխարհագրական կոորդինատներն են Գեղադիր և Ողջաբերդ գյուղերի արանքը: Ավե...
Նարեկ Մալյանի գործով «Ռեստարտի» ևս 4 անդամի մեղադր... Նախկին ոստիկանապետ Վլադիմիր Գասպարյանի խորհրդական Նարեկ Մալյանի և «Ռեստարտ» նախաձեռնության անդամների միջև տեղի ունեցած դեպքի առթիվ «Ռեստարտ» նախաձ...
Իշխանության վարկանիշը իջնում է անասելի արագությամբ... Մամուլը գրում է,որ ռեֆորմիստները սկսում են բողոքի ակցիաներ:Այո նման քննարկում իրոք եղել է մեր կառույցներում,սակայն այս պահին նման որոշում չկա: ...
«Կարիք չկա Ֆեռարիով իրեն հասնել, որովհետեւ Նիկոլ Փ... Փաշինյանի կառավարումը վերածվել է մեքսիկական սեիալի՝ սելֆի-լայվ-ասուլիս, սելֆի-լայվ-ասուլիս. սա է նրա 11 ամսվա կառավարման բնութագիրը,- Henaran.am -...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով