«Երեւանցիները պետք է միասնական լինեն եւ չբաժանվեն ո՛չ սեւերի, ո՛չ էլ սպիտակների»

Ռեֆորմիստներ կուսակցությունն ու իր քաղաքապետի թեկնածու Արտակ Ավետյանը լարված ու թեժ նախընտրական քարոզարշավն ընդմիջեցին տոնական համերգով «Դվին» հյուրանոցի շինհրապարակում: Պարզվում է` այն ուներ ենթատեքստ, ինչի մասին էլ «Իրավունքը» զրուցեց Ռեֆորմիստներ կուսակցության նախագահ, ԱԺ հինգերորդ գումարման պատգամավոր ՎԱՀԱՆ ԲԱԲԱՅԱՆԻ հետ:

— Համերգային ծրագիրը զուտ մեր կողմնակիցների, երեւանցիների համար էր, բայց նաեւ այլ ենթատեքստ կար: Մեր քաղաքապետի թեկնածուն` Արտակ Ավետյանը, համեստ մարդ է, նա երբեք չի բարձրաձայնի իր կատարած աշխատանքների մասին, եւ սա լավ առիթ էր` հավաքվելու շինհրապարակում, որպեսզի մեր հասարակությունը տեսնի, որ մենք ոչ թե նախընտրում ենք ցեխ շպրտել այս կամ այն ուժի վրա, այլ գործ ենք ցույց տալիս: Մեր թեկնածուին շատ անգամ ասում են, թե չեն ճանաչում, նրա արած գործերից տեղյակ չեն, թե ինչու պետք է Երեւանի քաղաքապետ լինի եւ այլն, մինչդեռ նա համակարգել է «Դվին» հյուրանոցի վերակառուցման աշխատանքը, եւ կարճ ժամանակում մեծ նախագիծ է իրականացվել, որի արդյունքներն ինքներդ էլ տեսնում եք: Կարծում եմ` Երեւանի քաղաքապետը հենց այդպիսին պետք է լինի: Դրա համար մենք էլ եկել ենք, որ սատարենք մեր թեկնածուին եւ կարծում եմ, որ Արտակ Ավետյանը հենց այն մարդն է, որը կարող է օգուտ տալ մեր քաղաքին թե՛ որպես քաղաքապետ, թե՛ որպես ավագանի:

– Պարոն Բաբայան, որոշ սոցհարցումների համաձայն` Ձեր քաղաքական ուժը ավագանու ընտրություններին կլինի երկրորդ տեղում: Ի՞նչ կասեք այս մասին:

– Շատ սոցհարցումներ են կատարվել, բայց Հայաստանի ներքաղաքական վիճակը ժամերի դրությամբ փոխվում է, եւ այս պահին չէի ուզենա կանխատեսումներ անել: Բարձր եմ գնահատում մեր շանսերը, բայց ամեն ինչ կորոշվի սեպտեմբերի 23-ին` մեր քաղաքացիների ընտրությամբ:

– Ամփոփելով քարոզարշավը՝ հետաքրքիր է՝ հավասա՞ր եք համարում մրցակցությունը:

– Ամեն դեպքում ընտրարշավը գնահատում եմ նորմալ: Ինչ վերաբերում է նրան, թե հավասար էր կամ հավասար չէր, ասեմ, որ աշխարհում հավասար ոչինչ չկա եւ չի էլ կարող լինել: Խոսքն ընդամենը հնարավորությունների մասին է, մեկը շատ ֆինանս ունի, մյուսը՝ քիչ, այդուհանդերձ մենք նույն ձեւ ունեինք հնարավորություն ներկայանալու եւ ներկայացնելու մեր ծրագրերը: Մնացածը քաղաքացին է որոշելու եւ աննհավասարության խնդիր չկա:

– Նկատի ունեմ այն, որ ՀՀ վարչապետ Նիկոլ Փաշինյանն ակտիվորեն մասնակցեց քարոզարշավին՝ սատարելով «Իմ քայլը» դաշինքի քաղաքապետի թեկնածու Հայկ Մարությանին: Սա որեւէ կերպ չխանգարե՞ց հավասար մրցապայքարին:

– Յուրաքանչյուր վարչապետ որի կուսակցության թեկնածուն մասնակցի ընտրություններին, բնական է, որ ինքն էլ պետք է սատարի նրան: Այնպես որ, խանգարելու հարց չկա, իրենց ընտրողն իրենց է ընտրելու, մեզ ընտրողը` մեզ:

– Քարոզարշավի ընթացքում ՀՀ վարչապետի թեթեւ ձեռքով քաղաքական ուժերը բաժանվեցին սեւերի եւ սպիտակների, Դուք որտե՞ղ եք տեսնում Ձեր կուսակցությանը:

– Մենք չենք համարում մեզ ո՛չ սեւ, ո՛չ սպիտակ, մենք համարում ենք, որ երեւանցիները պետք է միասնական լինեն եւ չբաժանվեն ո՛չ սեւերի, ո՛չ էլ սպիտակների:

–  «Բարգավաճ Հայաստան» կուսակցության քաղաքապետի թեկնածու Նաիրա Զոհրաբյանը հայտարարել էր, որ իր քաղաքապետ ընտրվելու դեպքում հրավիրելու է ընտրություններին մասնակցող բոլոր քաղաքական ուժերին՝ միասին կառավարել Երեւանը: Ի՞նչ կասեք այս մասին:

–  Դրական եմ համարում այդ հայտարարությունը, բնական է, որ Երեւանը պետք է բոլորով կառավարեն, որովհետեւ մենաշնորհների դարն անցել է: Պետք է լինի առողջ ուժերով համաձայնության կառավարում եւ ոչ միայն Երեւանում:

 

Iravunk.com

Նմանատիպ նորություններ

«Շատ զարմանալի բաներ են տեղի ունենում հոսանքի վճար... ԱԺ ԲՀԿ խմբակցության պատգամավոր Արմեն Աբովյանը ֆեյսբուքյան իր էջում գրել է. «Ժողովուրդ ջան, իմ անունից ևս հաստատում եմ, որ շատ զարմանալի բաներ են տ...
Ադրբեջանցին փորձում է չեչենների հետ կոնֆլիկտը ջար... ՍԱ ԷՆ ՀԱՅ ՏՂԵՆԱ, ՈՐ ՉԵՉԵՆՆԵՐԻ ԿՈՆՖԼԻԿՏԻ ՀԵՏ ԿԱՊՎԱԾ ԱՄԲՈՂՋ ՄԵՂՔԸ ՈՒԶՈՒՄ ԵՆ ՋԱՐԴԵՆ ԳԼԽԻՆ։ ԷԴ ՖԱՈՒԴ ԱԲԱՍՈՎԻ ՀԱՐՑԵՐԸ ԼՈՒԾԵՔ, ԱՍՈՒՄ ԵՆ ՕՐԵՆՔՈՎ ԴԱՏԱ ՀԱՍՆՈՒՄ...
«Դավիթ Սանասարյանի հայտարարությունը բացարձակ սուտ ... «Հետք» կայքում երեկ ««Պետական մակարդակով բիզնես են խլում». տնտեսվարողը մեղադրում է Դավիթ Սանասարյանին» վերտառությամբ հոդվածի հրապարակումից հետո Պե...
Ալիևը շարունակաբար սպառնում է Արցախին և Հայաստանին... Փաշինյանը կամ մոլորության մեջ է,կամ ինքն է ժողովրդին մոլորեցնում։ Երկու դեպքում էլ նա պետք է հեռանա։ 1988թի փետրվարի 20-ը ոսկե տառերով է գրված...
Կազմվել է պաշտոն զբաղեցնող սեռական փոքրամասնությու... «Հեղափոխությունից հետո ակտիվացել են, այսպես կոչված, «լիբերալ» գաղափարներ կրող կերպարները: Հենց նրանք են, որ փորձում են այսօր հայ ավանդական հասարակ...
Շնորհավորո՛ւմ եմ Արցախի վերածննդի օրվա առթիվ. Վահա... Սիրելի՛ հայրենակիցներ, Այսօր պատմական օր է: 31 տարի առաջ այս օրերին Ստեփանակերտի հանրահավաքները բացեցին նոր պատմական ժամանակաշրջան բոլորիս համ...
Այսօր Արցախի վերածննդի օրն է, ղարաբաղյան շարժման հ... Սիրելի հայրենակիցներ, Այսօր Արցախի վերածննդի օրն է, ղարաբաղյան շարժման հերթական տարեդարձը: Շնորհավորում եմ ձեզ: Ուղիղ մեկ տարի առաջ այս օրը Ստ...
«Նիկոլի երբևէ ունեցած ամենավատ ելույթն էր Դսեղի ել... Նիկոլի երբեւէ ունեցած ամենավատ ելույթն էր Դսեղի այսօրվա ելույթը։ Նախ, Թումանյանը բոլորովին աղքատ մարդ չի եղել, սերել է բավականին հարուստ գերդաս...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով