Ելփինի երեխաները դեռ չեն կարողանում դպրոց գնալ՝ գյուղ ներթափանցած աղանդավորական խմբի պատճառով

Սեպտեմբերի 1-ը նշեցին Հայաստանի Հանրապետության բոլոր համայնքների դպրոցներում՝ բացի Ելփին գյուղի դպրոցից: Արդեն սեպտեմբերի 4-ն է, սակայն Ելփին գյուղի երեխաները դեռ չեն կարողանում գնալ դպրոց և օգտվել իրենց՝ կրթություն ստանալու սահմանադրական իրավունքից: Պատճառն այն է, որ անցած տարվանից գյուղ է ներթափանցել ինչ-որ աղանդավորների խումբ: Իրենց անվանելով ճշմարիտ հավատացյալներ՝ իրենց համակիր հանդիսացող դպրոցի ուսուցչուհիներից մեկի միջոցով ներգրավվել են դպրոցի ուսուցչական կազմից այլ ուսուցիչների և ամբողջ գյուղը խառնել են իրար: Գյուղում աղանդավորական քարոզչություն իրականացնելու դեմ ընդվզել են գյուղի բնակիչները՝ փորձելով հասկանալ, թե որ կազմակերպությունից են, որն է նրանց դավանանքը, նրանց ուզածը, և ինչու են քարոզում հենց իրենց գյուղում:

Պարզվել է, որ ամեն բան սկսվել է գյուղի երեխաներին ճամբար (ամառային ճամբարների հարցը մի առանձին երկար խոսված ցավոտ թեմա է, որտեղ չկա վերահսկողություն) ներգրավվելուց, որը կազմակերպել էր Վայոց Ձորում ոմն Մոսո: Սակայն ազգային արժեքների և դավանանքի անհանգստությունը տեղափոխվեց մտահոգության առավել լուրջ դաշտ․ պարզվեց, որ աղանդավորները բուկլետներ են բաժանել դպրոցում, սկսել են քարոզել դասերի ժամանակ: Ծնողները փորձել են հարցը բարձրացնել տնօրենի մոտ, սակայն հարցը պարզաբանելու նպատակով հրավիրված թվով 4 ուսուցիչներն ագրեսիվ ձևով հարձակվել են ծնողների վրա՝ նրանց անվանելով տգետ և սպառնալով դատի տալ իրենց սահմանադրական իրավունքը իբր ոտնահարելու համար, այնինչ ծնողների անհանգստության առիթ է դարձել այն, որ երեխաները սկսել են տարբեր առիթներով խոսել «փրկության», «հոգիներ»-ի մասին, խոստովանել են, որ դասերի ժամանակ տվյալ ուսուցիչներն Աստվածաշունչ են ընթերցել, իսկ երեխաների խոսքերով՝ նրանցից մեկն անգամ տեսիլքներ է սկսել տեսնել, և ուսուցչի արձագանքը եղել է ոչ թե մտահոգությունը, այլ այն, որ եթե կուզես նորից տեսիլքներ տեսնել, քեզ կօգնենք:

Թվով 73 ծնող այն դեպքում, երբ դպրոցի սաների թիվը կազմում է մոտ 150 երեխա, գրավոր նամակով դիմել են տարբեր գերատեսչությունների, այդ թվում՝ Կրթության և գիտության նախարարություն, վարչապետին, տարբեր լրատվամիջոցների, սակայն ոչ մի տեղից արձագանք դեռ չեն ստացել: Դասադուլ իրականացնողների թվում է նաև աղանդավորության մեջ խոստովանված ուսուցչուհու տղան: Ինչպես միշտ է տեղի ունենում, երբ աղանդները ներթափանցում են որևէ համայնք, սկսվում են բաժանումներ, որի հրահրողը հենց իրենք են՝ իրենց ագրեսիվ պահվածքով և տարբեր մեղադրանքներով:

Ակամայից հիշողությանս մեջ գալիս է Հայ եկեղեցու պատմություն առարկայի շուրջ վերջերս բարձրացված անտեղի աղմուկը… Փաստորեն, մեր երկրում կրկին հանգում ենք նրան, որ դպրոցն անջատ է եկեղեցուց, բայց անջատ չէ աղանդից:

Բոլոր իրադարձությունները վերծանված են ծնող Գևորգ Թովմասյանի խոսքերից, իսկ գրավոր դիմումի տակ ստորագրել է թվով 73 ծնող:

 

Նյութի աղբյուր՝ https://www.facebook.com/almastalla

Նմանատիպ նորություններ

Կամ վարչապետը պետք է պատասխանատվության ենթարկվի, կ... Կամ վարչապետը պետք է պատասխանատվության ենթարկվի նախկին նախագահի բարի համբավը, նաև պետական կարևորագույն ինստիտուտը վարկաբեկելու համար, կամ նախկին նախագ...
Կոտայքի մարզպետը եթե չգիտի ասեմ,որ ձեր մարզում նոր... Կոտայքի մարզպետը եթե չգիտի ասեմ,որ ձեր մարզում նոր զիբիլանոցա ուզում բացվի: Աշխարհագրական կոորդինատներն են Գեղադիր և Ողջաբերդ գյուղերի արանքը: Ավե...
Նարեկ Մալյանի գործով «Ռեստարտի» ևս 4 անդամի մեղադր... Նախկին ոստիկանապետ Վլադիմիր Գասպարյանի խորհրդական Նարեկ Մալյանի և «Ռեստարտ» նախաձեռնության անդամների միջև տեղի ունեցած դեպքի առթիվ «Ռեստարտ» նախաձ...
Իշխանության վարկանիշը իջնում է անասելի արագությամբ... Մամուլը գրում է,որ ռեֆորմիստները սկսում են բողոքի ակցիաներ:Այո նման քննարկում իրոք եղել է մեր կառույցներում,սակայն այս պահին նման որոշում չկա: ...
«Կարիք չկա Ֆեռարիով իրեն հասնել, որովհետեւ Նիկոլ Փ... Փաշինյանի կառավարումը վերածվել է մեքսիկական սեիալի՝ սելֆի-լայվ-ասուլիս, սելֆի-լայվ-ասուլիս. սա է նրա 11 ամսվա կառավարման բնութագիրը,- Henaran.am -...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով