Գերմանիայում ընդդիմադիր կուսակցությունները բոյկոտելու են Էրդողանի այցը

Գերմանիայում ընդդիմադիր քաղաքական գործիչներն ու կուսակցությունները շարունակում են բոյկոտել Թուրքիայի նախագահ Ռեջեփ Թայիփ Էրդողանիք Գերմանիա կատարելիք այցը:

Ընդդիմադիր կուսակցությունների մի շարք ներկայացուցիչներ արդեն հայտարարել են, որ իրենք չեն մասնակցելու Էրդողանի համար տրվելիք պաշտոնական ճաշին:

Նմանատիպ հայտարարություններով են հանդես եկել նախ «Ձախերի» ու «Ազատ» դեմոկրատների», ավելի ուշ՝ «Կանաչների» ու «Գերմանիայի համար այլընտրանք» կուսաակցությունների մի շարք ներկայացուցիչներ:

«Գերմանիայի համար այլընտրանք» կուսակցության նախագահ Քրիստիան Լինդերն էլ հայտարարել է, որ չի մասնակցելու Էրդողանի համար կազմակերպվելիք ընդունելությանը:

«Չեմ ցանկանում դառնալ Էրդողանի քարոզչության մի մասը»,- ասել է Լինդերը:

«Կանաչների» կուսակցության համանախագահներն ու խորհրդարանական խմբակցության ղեկավարներն էլ Էրդողանի համար տրվելիք ճաշին չմասնակցելու որոշումը պատճառաբանել են այն բանով, որ պաշտոնական ընդունելությունը հարմար միջավայր չէ Թուրքիայի նախագահի հետ բանակցելու համար:

Էրդողանի հետ ճաշկերույթից հրաժարվելու մասին հայտարարել են նաև «Ազատ դեմոկրատների» ներկայացուցիչ, Բունդեսթագի պատգամավոր Բիժան Ջիր-Սարայը և «Ձախերի» կուսակցությունից ազգությամբ թուրք պատգամավոր Սևիմ Դաղդելենը: Վերջինս հայտարարել է, որ Էրդողանի հետ ճաշելու փոխարեն նախընտրում է մասնակցել վերջինիս դեմ կազմակերպվելիք բողոքի ակցիային:

Նշենք, որ Թուրքիայի նախագահ Ռեջեփ Թայիփ Էրդողանը Գերմանիա է մեկնելու սեպտեմբերի 23-27-ին ՄԱԿ-ի գլխավոր վեհաժողովի նիստին մասնակցելուց հետո:  Այցը նպատակ ունի բարելավվել վերջին 2-3 տարում Անկարայի և Բեռլինի հարաբերություններում առաջացած խնդիրները:

Այցը բացասական է ընդունվում Գերմանիայի հանրության ու քաղաքական կուսակցությունների կողմից:

Սպասվում է, որ Էրդողանի այցի ժամանակ բողոքի ակցիաներ կարող են անցկացնել «Քուրդիստանի բանվորական կուսակցության» (ՔԲԿ-PKK) համակիր խմբերի, Գերմանիայի ձախակողմյան ուժերի կողմից:

Ելնելով վերոնշյալից՝ Բեռլինի ոստիկանությունն արդեն ձեռնամուխ է եղել Էրդողանի անվտանգության ապահովմանն ուղղված նախապատրաստական աշխատանքներին:

Թուրքիայի նախագահի այցի ժամանակ Բեռլինում հասարակական կարգուկանոնը պահպանելու համար ծառայության մեջ է լինելու ավելի քան 10.000 ոստիկան:

Նշվում է, որ Էրդողանի այցին ընդառաջ անվտանգության միջոցների ձեռնարկման այդօրինակ ծավալները համեմատելի են 2002թ. միջոցառումների հետ, երբ Բեռլինում էր գտնվում ԱՄՆ նախագահ Ջորջ Բուշը:

 

Աղբյուր`    Gazetekarınca

Նմանատիպ նորություններ

Հարյուրավոր ղազախներ՝ հայերի դեմ հանրահավաքին. նոր... https://youtu.be/oFg0e3KJkX0 Կարագանդայում ընդդեմ հայերի անցկացվող հանրահավաքի նոր տեսանյութ է հրապարակվել համացանցում: Հայերի մասնակցությամբ տեղի ...
Կարագանդայում ադրբեջանցի կասկածյալների անունները փ... Ղազախական «ԲԱՍԵ» հեռուստաալիքը ռեպորտաժ է պատրաստել՝ ներկայացնելով Ամանորի գիշերը ղազախական Կարագանդա քաղաքի «Հին Հռոմ» ռեստորանի մոտ ծավալվող իրա...
Իրավիճակը ցայտնոտային է. Պեսկովը մանրամասներ է հայ... Ռուսաստանի նախագահ Վլադիմիր Պուտինն ու ՀՀ վարչապետի պաշտոնակատար Նիկոլ Փաշինյանը պայմանավորվել են ակտիվացնել գազի հարցով բանակցությունները, ժամկետ...
ՀԱՊԿ անդամ բոլոր երկրները, բացի Հայաստանից, ստորագ... Հավաքական անվտանգության պայմանագրի կազմակերպության (ՀԱՊԿ) վեց անդամ պետություններից հինգը կազմակերպության գլխավոր քարտուղարի պաշտոնում պաշտոնապես ...
Չավուշօղլուն վերահաստատել է Հայաստանի հետ հարաբերվ... Թուրքիայի արտգործնախարար Մևլութ Չավուշօղլուն  լրագրողների հետ զրուցում անդրադարձել է Անկարայի արտաքին քաղաքականության առանցքային հարցերին և խոսել հայ-...
Պատրաստվում է փաստաթուղթ, որով կբացառվի ՀՀ-ում արտ... Հայաստանն ու Ռուսաստանը փաստաթուղթ են նախապատրաստում,  որը կերաշխավորի որևէ սպառնալիքի և ռիսկերի բացակայությունը երաշխավորելու առումով Հայաստանում...
«Ջորջ Սորոսը, իհարկե, բավականին ակտիվորեն աշխատում... Հատվածներ ՌԴ Արտաքին գործերի նախարար Սերգեյ Լավրովի՝ www.kp.ru-ին տված հարցազրույցից։ – Ինչո՞ւ մենք թույլ տվեցինք, որ 2016թ. մեր ռա...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով