Թուրք ազգայնականը հեռացվել է շվեդական կուսակցությունից

Շվեդիայի «Կենտրոնական» կուսակցությունից հեռացվել է ծագումով թուրք Միքաել Յուքսելը։ Նա առաջադրվել էր պատգամավորի թեկնածու և պատրաստվում էր մասնակցել սեպտեմբերի 9-ին Շվեդիայում կայանալիք խորհրդարանական ընտրություններին։

Ինչպես նշել է կուսակցության քարտուղարը, հեռացման գլխավոր պատճառն եղել է այն, որ Յուքսելը ժամանակին եղել է Թուրքիայի ազգայնական «Ülkü Ocaklar» (Իդեալիստական օջախներ) կազմակերպության շարքերում։

Յուքսելը հեռացվելուց հետո հանդես է եկել հայտարարությամբ, որում պնդել է, թե ինքը կուսակցության կողմից վերջին օրերին ճնշման է ենթարկվել։ Նրա խոսքով՝ իրեն ստիպել են Թուրքիայի դեմ հայտարարություններ անել, ինչպես նաև խոսել Հայոց ցեղասպանության ճանաչման օրինագծի օգտին։

Հետևեք մեզ Տելեգրամում՝ t.me/lurer4news

 

Աղբյուր`    Haberler

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով