Սերժ Սարգսյանը հանդիպել է Բակո Սահակյանին. Քոչարյանի կալանավորումն անակնկալ է եղել. «Ժողովուրդ»

«Ժ­ողովուրդ» օրաթերթն իր նախորդ համարներից մեկում գրել էր, որ  օրեր առաջ ՀՀ երրորդ նախագահ Սերժ Սարգսյանն Իտալիայից վերադարձել էր Հայաստան: Սարգսյանը կարճ ժամանակ մնացել էր Երեւանում, այնուհետեւ մեկնել Արցախի Հանրապետություն՝ տեսակցելու մորը:

«Ժողովուրդ» օրաթերթին նրա Արցախ այցից նոր մանրամասներ են հայտնի դարձել: Մասնավորապես, մեր տեղեկություններով այնտեղ գտնվելու ընթացքում Սերժ Սարգսյանը հանդիպումներ է ունեցել Արցախի ղեկավարության հետ: Հանդիպումների ընթացքում քննարկել են Արցախի ներկա վիճակը, ընթացող զարգացումները, ինչպես նաև՝ Ռոբերտ Քոչարյանի կալանավորման հարցը, որը եւ՛ Բակո Սահակյանի, եւ՛ Սերժ Սարգսյանի համար անակնկալ է եղել: Այնուհետեւ քաղաքական զրույցները շարունակվել են նաեւ ճաշի սեղանի շուրջ»:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով