Մոսկվայում կարծում են, որ Հայաստանում քաղաքական գործիչները հետապնդվում են քաղաքական դրդապատճառներով

Երբ Հայաստանում մայիսին քաղաքական ճգնաժամ էր, Ռուսաստանը գոհունակությամբ նշեց, որ դրա լուծումը գտնվել է կոմպրոմիսի հիման վրա բոլոր կուսակցությունների ներգրավմամբ, ասել է ՌԴ ԱԳՆ ղեկավար Սերգեյ Լավրովը։

Մեկնաբանելով Հայաստանում տեղի ունեցող իրադարձությունները, այդ թվում կալանավորումները, Ս.Լավրովը, ՌԴ ԱԳՆ մամուլի ծառայության փոխանցմամբ, ասել է. «Հույս ունեինք, որ նման արդյունքին հենվելով, բոլոր ուժերն, առաջին հերթին՝ նոր ղեկավարությունը, կշարունակի առաջ տանել միավորող մոտեցումները և ամրապնդել ազգային համաձայնությունը։ Սակայն վերջին օրերի իրադարձությունները խաթարում են դրական տրամադրվածությունը, հակասում են երկրի նոր ղեկավարության հայտարարություններին, որ իրենք մտադիր չեն իրենց նախորդողներին հետապնդել քաղաքական դրդապատճառներով։

Ռուսաստանը՝ որպես Երևանի դաշնակից միշտ հետաքրքրված է երկրի կայունության մեջ, ուստի տեղի ունեցողը չի կարող մեզ չանհանգստացնել, այդ թվում՝ ԱՊՀ տարածքում Հայաստանի մասնակցությամբ կազմակերպությունների բնականոն աշխատանքի տեսանկյունից։

Վերջին օրերին մենք մի քանի անգամ հայտնել ենք մեր անհանգստությունը ՀՀ ղեկավարությանը։ Հուսով ենք, որ իրավիճակը կընթանա բնականոն հունով»։

Հիշեցնենք, որ սահմանադրական կարգը տապալելու մեղադրանքով կալանավորվել է ՀՀ երկրորդ նախագահ Ռոբերտ Քոչարյանը։ Նույն մեղադրանքով ՀԱՊԿ գլխավոր քարտուղար Յուրի Խաչատուրովը դատարանի որոշմամբ կալանավորվել է և ազատ է արձակվել գրավի դիմաց։

 

aysor.am

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

«բարսեղյան լևոնիկ,մյուս անգամ, Սերժ Սարգսյանի անունը ռեխիցդ արտաբերելուց լեզուդ անպայման կկծես ու նոր կբառաչես». Հովհաննես Խաչատրյան

08.08.2020

Друзья переслали мне сегодняшний пост Тиграна Кеосаяна об Армении, Николе и Серже.Армен Ашотян

10.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով