Երեւանի ավագանու արտահերթ ընտրություններին քաղաքական ուժերի պակաս չի զգացվի: Մենք տեղեկացանք, որ ընտրություններին մասնակցելու մտադրություն ունի ԲՀԿ-ից հեռացած եւ սեփական Ռեֆորմիստական կուսակցությունը հիմնած ԱԺ նախկին պատգամավոր Վահան Բաբայանը: Նրա ղեկավարած ուժը ոչ թե դաշինքով, այլ միայնակ է մասնակցելու.
«Այո մասնակցելու ենք ոչ թե մասնակցելու, այլ հաղթելու համար։Քանի որ կարծում եմ կլինեն նախադրյալեր։Այսօր ավելի մեծ է նոր ուժերի հաջողության հասնելու շանսերը»,- hraparak.am-ի հետ զրույցում ասաց Բաբայանը:
Նա հերքեց տեղեկությունները, թե անձամբ է ղեկավարելու ավագանու ցուցակը.
«Ես չեմ առաջադրվելու: Քննարկումները անց են կացվում, այս պահին ունեք մի քանի թեկնածու, մոտ օրերս կհայտարարենք»:
Ինչպես հայտնի է, թավշյա հեղափոխությունից կուսակցություններն անհարմար դրության մեջ են հայտնվել, չեն կողմնորոշվում՝ ընդդիմադիր են, թե իշխանական, Վահան Բաբայանը նույնպես ասում է, որ իր կուսակցության կարգավիճակը կհստակեցվի ընտրություններից հետո:
Նշենք, որ ընտրություններին մասնակցելու հայտ են ներկայացրել խորհրդարանական բոլոր ուժերը բացի ՀՀԿ-ից, ինչպես նաեւ Ժառանգություն, Երկիր Ծիրանի կուսակցությունները, Անդրեաս Ղուկասյանի կինը՝ Անահիտ Թարխանյանը, ցանկը ամբողջական չէ եւ մոտ օրերս նոր հավակնորդնեի անուններ հայտնի կդառնան: