Այսօր լրացավ ՀՀ պատպանության նախարարի խորհրդական, գեներալ-լեյտենանտ Մուրազ Սարգսյանի ծննդյան 75-ամյակը։ Հոբելյանի կապակցությամբ Մուրազ Սարգսյանին ընդունել է ՀՀ պաշտպանության նախարար Դավիթ Տոնոյանը։ Պաշտպանական գերատեսչության ղեկավարը Մուրազ Սարգսյանին պարգևատրել է ՀՀ ԶՈՒ անվանական հուշամեդալով և հորդորել նույն նվիրումով ու եռանդով շարունակել պատվաբեր ծառայությունը, որն արդեն 55 տարվա պատմություն ունի։
