Կրկին խնդիրներ մաքսատանը, Քաղաքացին կոտրում է ձմերուկները հենց մաքսատանը (տեսանյութ)

Բագրատաշենի անցակետի աշխատակիցները չեն թույլատրել քաղաքացի Գևորգ Օհանյանին իր գնած 7 ձմերուկը տեղափոխել Հայաստան։

ԼՈւՐԵՐ.com-ի հետ զրույցում Օհանյանը պատմեց, որ իրեն առաջարկել են «լավության կարգով» 3 ձմերուկ տալ իրենց, որպեսզի թույլատրեն մնացած 4-ը տանել իր հետ։

«Ասացին՝ 5 կգ է թույլատրվում, իսկ մեկ ձմերուկը 10 կգ է։ Ի՞նչ անեի՝ կեսը կտրեի, հետս բերեի՞։ 7 ձմերուկի համար վճարել եմ 3800 դրամի չափով գումար։ Ես իրենց առաջարկեցի ձմերուկները հետ տանել և իմ գումարը հետ վերցնել։ Նրանք ասացին՝ այդ 500 մետրը հետ գնալու համար նախարարությունից թույլտվություն է պետք։ Առաջարկեցի նաև՝ այդ ձմերուկները հյուրասիրել մեր քաղաքացիներին կամ անապահով ընտանիքի տալ։ Նրանք չցանկացան, որ ես այդ նպատակով օգտագործեմ, ես էլ չցանկացա իրենց տալ՝ կոտրեցի բոլոր ձմերուկները»,-ասաց Օհանյանը։

Նա նշեց, որ իր հետ անցակետի աշխատակիցները և քաղաքացիական հագուստով տղաները խոսել են գոռալով, ժարգոնով և նվաստացնելով, ստիպել են ջնջել տեսագրությունը, որը քաղաքացին տեսանկարահանել էր իր հետ այդպես խոսելու ընթացքում։

«7 հոգի շրջապատեցին ինձ՝ տեսնելով, որ նկարում եմ: Նրանցից երեքը քաղաքացիական հագուստով էին։ Նրանք քմծիծաղ տվեցին, երբ հարցրեցի՝ ո՞ւմ բողոքեմ կամ ո՞ւմ դիմեմ։ Ինձ ասացին՝ պարտավոր ես օրենք իմանալ, բայց եթե ես օրենք իմանայի, իրավաբան կաշխատեի»,-հավելեց Օհանյանը։

ԼՈւՐԵՐ․com-ի հետ զրույցում ՊԵԿ-ի մամուլի խոսնակ Լուսինե Մկրտչյանը ասաց, որ մինչև 50 կգ ներմուծման դեպքում մաքսային վճարներ չկան, իսկ 5կգ-ից ավելի դեպքում անհրաժեշտ է ներկայացնել սննդի անվտանգության տեսչության կողմից տրամադրված ֆիտոսանիտարական սերտիֆիկատ:

Նշենք, որ նախկինում էլ նման դժգոհություն եղել է կապված ձմերուկի ներկրման ընթացքում սահմանված համապատասխան օրենսդրական կարգավորումների հետ:

Lurer.com

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով