«Գիշերվա ժամը՝ 3-ին, մոմերը վառել, շակալի ձայներ են հանել, պարզ է, որ ժողովուրդը կվրդովվեր». Շուռնուխի գյուղապետ

Մամուլում տարածված տեղեկությունների համաձայն, օգոստոսի 3-ին երեկոյան Սյունիքի մարզի Շուռնուխ գյուղում մոտ 30 մարդ հարձակվել է 9 ԼԳԲՏ-ական ակտիվիստի վրա եւ ծեծել նրանց:

Միջադեպին խառնվել է ոստիկանությունը, Մարդու իրավունքների պաշտպանի գրասենյակը, դե իսկ ԼԳԲՏ կազմակերպություններն այս ընթացքում աղմուկ են բարձրացնում ու ապահովում իրենց հերթական գովազդը: Ի՞նչ է տեղի ունեցել իրականում, ովքեր են միջադեպի կողմերը, «Իրավունքն» ուշագրավ մանրամասներ պարզեց Շուռնուխի համայնքապետ

ՀԱԿՈԲ ԱՐՇԱԿՅԱՆԻՑ:

– Պարոն Արշակյան, որեւէ տեղեկություն ունե՞ք, թե ինչու էին այդ ԼԳԲՏ անձինք հայտնվել Ձեր գյուղում եւ ինչո՞վ էր պայմանավորված այդ միջադեպը:

– Հաջողվել է պարզել, որ մեր գյուղի բնակիչ Հայկ Հակոբյանն իր ֆեյսբուքյան էջում հրավեր էր ուղարկել «Քվիր հավաքի» վերաբերյալ: Ու էդ հավաքն՝ իրենց ասելով, պետք է տեղի ունենար մեր գյուղում՝ ԼԳԲՏ-ականների համար բուսակերություն, ընդհանուր լոգարան, ընդհանուր ննջարան, ցանկացողներն էլ կարող են առանձնանալ եւ նման տիպի այլ բաներ էին գրում մեկնաբանություններում: Հայտարարությունը կա, ֆինանսավորող կազմակերպությունն էլ  հոգացել է ճանապարհածախսը: Սա էր իրենց հավաքի պատճառը մեր գյուղում, հիմա անունն ինչ ուզում են դնեն՝ մտքերի փոխանակություն ու եսիմ ինչ: Ամեն դեպքում, այդ հավաքը կայացել է, պարզվում է՝ օգոստոսի 2-5-ը մեր գյուղում պետք է լինեին ու ամսի 2-ին եկել էին:

Ես գյուղում չեմ եղել, Գորիսում էի, բայց ինձ գյուղի երեխաներն են զանգել ու մի քիչ կոշտ ասած՝ տեղեկացրել, թե Հակոբ ձյաձյա, գյուղում երկու ավտոյով գոմիկների խումբ է հայտնվել էն գոմիկենց տանը, ուզում ենք բոյկոտենք: Ասացի՝ բալիկներ ջան, չի կարելի, դրանք վտանգավոր են: Բայց, ամեն դեպքում, երեխեքը, երեւի, քարեր են շպրտել տանիքին, Նոր տարվա փոքրիկ պայթուցիկներից մի քանի հատ պայթեցրել: Դա եղել է, բան չունեմ ասելու: Իսկ հաջորդ օրը, երբ ժողովուրդը հավաքվել է այնտեղ, ուշացումով ես էլ եմ գնացել, երբ արդեն քաշքշուկ էր սկսվել ու փորձում էինք դադարեցնել:

– Փաստորեն, կարելի է ասել, որ գյուղացիների բնական վրդովմունքն է առաջացրել այն, որ իրենց գյուղում նման մարդիկ են հայտնվել՝ պիղծ նպատակներո՞վ:

– Բոլորն էլ հայկական ընտանիքներ են, իրենց արյունով ազատագրված գյուղում են են ապրում ու պատերազմի մասնակիցների հարազատներ են: Եվ բնական է, որ նրանք ուզում են հանգիստ ապրել, իրենց երեխայի հետագա անդորրն ապահովել այստեղ ու չէին կարող ընդունել, որ փողոցներով գիշերը ժամը՝ 2-ին դրանք քայլեն ու շակալի ձայներ հանեն:

Երեխաները վախեցել են, այսպիսի բաներ էլ է կատարվել: Էլ չեմ ասում, որ լույսերը հանգցրել, մոմեր են վառել  պատշգամբում ու գիշերվա ժամը՝ 3-ին գոռոցները գցել են: Պարզ է, որ ժողովուրդը վրդովվել է:

– Այսինքն՝ կարելի՞ է ասել, որ հենց նրանք են սադրել, որ գյուղացիները վրդովվել են:

– Անպայման, ու դրա համար էլ հենց եկել եմ իմ առաջին խնդրանքը ժողովրդին եղել է այն, որ կանայք, ձեր ցավը տանեմ, երեխեք ջան, խնդրում եմ՝ ոչ մի բան մի արեք, էդ մարդիկ դիտմամբ են անում: Ախր, ամենահիմար մարդը պետք է չհասկանա, որ Սյունքիում, Գորիսի տարածքում, էն էլ Շուռնուխ գյուղում նման բաներ չի կարելի անել, այն էլ այդպես ցուցադրական: Բայց, փաստոերեն, արեցին ու հասցրեցին նրան, որ այդ միջադեպը տեղի ունեցավ: Հիմա էլ ավելորդ խոսակցություն, քաշքշուկ է առաջացել: Կանայք երեխաներին գրկած գնում են հարցաքննության, արդեն մի քանի ժամ է: Առավոտից մինչեւ հիմա դեռ հարցաքննության են գնում, որն ավարտել է արդեն, որն էլ երեխու հետ այնտեղ սպասում է:

– Նշանակում է, որ այդ 30 մարդիկ, որոնց իբրեւ հարձակվել են ԼԳԲՏ-ականների վրա, հիմնականում կանայք ու երեխանե՞ր են:

– Այո, հիմնականում կանայք ու դպրոցահասակ երեխաներ են՝ 4-րդ դասարանից սկսած: Մեր գյուղը փոքր գյուղ է, երեխաներն էլ այն տարիքում են, որ ամեն ինչ հասկանում են ու ասում՝ ամաչում ենք, որ Շուռնուխից ենք: Ջահել տղերք են, իրենց էլ է հասկանալի:

– Իսկ այդ 9 ԼԳԲՏ-ականները, որոնցից երկուսը հայտնվել են հիվանդանոցում, իրո՞ք այդքան լուրջ վնասվածք են ստացել, որ մեծ աղմուկ են բարձրացնում:

– Ես փորձեցի ճշտեմ, ասացին, որ մեկի գլուխն է վնասվել, երեւի, քար են շպրտել, ճղվել է: Իսկ մյուսն էլ ընկել է, ոտքն է վնասել, հավանաբար, քերվել է: Լուրջ վնասվածքներ չեմ էլ պատկերացնում, որ կարող էր լինել, որովհետեւ նմանատիպ քաշքշուկի ժամանակ լուրջ վնասվածքներ դժվար առաջանար:

– Այս պահին որեւէ մեկը ձեռբակալվա՞ծ է, թե՞ միայն հարցաքննության են կանչում:

– Որեւէ մեկին չեն ձեռբակալել, երեկ ուշ գիշեր ոստիկանությունից տեղեկացրեցին, որ մասնակիցներից մի քանի հոգու պետք է գան, հարցաքննություն անցկացնեին, բայց հանդիպելով այդ 9-10 հոգուն՝ դրանց տարել են, մեզ էլ հրավիրել բաժին: Ես էլ եմ անձամբ գնացել ու ինչ-որ տեսել եմ ու լսել, ներկայացրել եմ: Այսօր թվով 10 կին իրենց բացատրությունն են տվել Գորիսի ոստիկանության բաժանմունքում:

– Ի վերջո, ինչպե՞ս եք տեսնում այս միջադեպի հանգուցալուծումը:

– Մարդիկ վրդովվել են, քաշքշել, բնականաբար, մեկը կվնասվեր, մյուսը՝ կընկներ,  դեպք է, եղել է: Հուսով եմ՝ իրավապահ մարմիններն օբյեկտիվ մոտեցում կցուցաբերեն, կհասկանան ժողովրդին, որովհետեւ բոլորն էլ ընտանիքի տեր են ու հասկանում են հայ ընտանիքի ապահովությունը որտեղից պետք է սկսվի:

Աղբյուրը՝ iravunk.com

«ԿԳՄՍ նախարարությունը թույլ չի տվել, որ ես Հանրապետության հրապարակում ռեկորդ սահմանեմ». Գինեսի եռակի ռեկորդակիր.168.am

21.09.2020

Գավառի ոստիկանապետին ծեծի են ենթարկել. նրան շտապ տեղափոխում են Երևան.ArmLur.am

25.09.2020

«Բենդերի» օնլայն արկածները ՄԱԿ-ում

22.09.2020

«Ալեն Սիմոնյան, անգամ փաբերում էիք պարտք, որտեղի՞ց այդ գումարը, որ տներ գնեցիք». քաղաքացի.168.am

21.09.2020

Ուսուցիչներին ու աշակերտներին կպատվաստեն.medmedia.am

22.09.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով