Ռոբերտ Քոչարյանի գործը բավարար մշակված չէ քննչական մարմինների կողմից, այսօր հրավիրած ասուլիսում ասաց Քոչարյանի փաստաբաններից Արամ Օրբելյանը: Ըստ նրա՝ ամենամեծ զավեշտն այն է, որ փաստաբանները չեն կարողանում հասկանալ Քոչարյանին առաջադրված մեղադրանքը: Ապացույցների մեջ էլ ուղղակի ապացույց չկա:
«Մինչև վերջ ես չեմ կարողանում հասկանալ մեղադրանքը, ինչ-որ փաստեր են նկարագրված, որից հետո ասում է՝ 300.1 հոդված: Այն արարքը, որը կատարել է, մենք չենք կարողանում հասկանալ: Ես հանցագործության հանցակազմի էլեմենտը չեմ կարողանում հասկանալ, որպեսզի կարողանանք անձին պաշտպանել կամ չպաշտպանել: Մինչև վերջ չեմ հասկանում՝ նա մեղադրվո՞ւմ է զորք օգտագործելու մեջ, մեղադրվո՞ւմ է արտակարգ իրավիճակ մտցնելու մեջ: Հստակ արարք, որը կարողանանք գնահատենք, հանցագործություն է, թե ոչ, չկա»,- ասաց Օրբելյանը:
Փաստաբանն ասաց, որ այս գործըթնացն ապօրինի է: «Եթե նախկին նախագահին են այսպես անում, պատկերացրեք ցանկացած այլ անձի ինչ կարող են անել»,- նշեց նա:
Lragir.am