«Ժողովուրդ» օրաթերթը գրում է. ««Ոսկու աշխարհ» տոնավաճառի սեփականատեր Վաղարշ Աբրահամյանը ԴԱՀԿ-ի հետ կռիվ է տալիս:
«Ժողովուրդ» օրաթերթին հայտնի դարձավ, որ 2018 թվականի հուլիսի 12-ին «Վաղարշ և որդիներ» կոնցեռն ՍՊԸ-ն դիմել է ՀՀ վարչական դատարան ընդդեմ ՀՀ ԱՆ ԴԱՀԿ ծառայության:
«Ոսկու աշխարհի» սեփականատերը պահանջում է, որ դատարանը ԴԱՀԿ ծառայության՝ հուլիսի 3-ի գործողությունները ոչ իրավաչափ ճանաչի, կազմված արձանագրությունը վերացնի և առգրավված գույքերը հայցվորին վերադարձնելուն պարտավորեցնի:
Դատելով իրավիճակից՝ ԴԱՀԿ-ն առգրավվել է «Ոսկու աշխարհի» սեփականատիրոջ գույքը, և վերջինս դատարանի միջոցով է ցանկանում այն վերականգնել: Թե ինչ որոշում կկայացնի դատարանը, ցույց կտա ժամանակը»:
Ամբողջությամբ կարող եք կարդալ «Ժողովուրդ» օրաթերթի այսօրվա համարում:
