«Ցանկացած մարդ պետք է իր արած-չարածին պատասխան տա». Միհրան Պողոսյան

«Հանրապետականն ինքը որոշում կկայացնի՝ թենածու կունենա՞, թե՞ ոչ: Ի վերջո, այս հարցը դեռ կարգավորված չէ, գուցե ավագանին է որոշում կայացնում և ընտրում քաղաքապետ»,- այսօր ԱԺ-ում լրագրողների հետ զրույցում հայտարարեց ՀՀԿ-ական պատգամավոր Միհրան Պողոսյանը՝ խոսելով Երևանի քաղաքապետ Տարոն Մարգարյանի հրաժարականի մասին:

Ըստ նրա՝ քաղաքապետի ընտրության երկու տարբերակ կա՝ արտահերթ ընտրություններ կամ ավագանին է ընտրում, և երբ կլինի արտահերթ ընտրությունների անցկացման մասին վերջնական որոշում, ՀՀԿ-ն իր ասելիքը կասի.

«Ես կարծում եմ՝ ցանկացած փոփոխությունից հետո պետք է վերլուծել իրավիճակը, ցանկացած կուսակցություն պետք է հասկանա իրադրությունը և գնահատի իր վիճակը, հետո որոշի՝ թեկնածու առաջադրի, կամ՝ ոչ: Երբ լինի ընտրությունների անհրաժեշտությունը, այդ ժամանակվա դրությամբ գնահատական կտրվի իրավիճակին և և կորոշվի թեկնածու կունենա, թե ոչ»:

Այս պահի դրությամբ, ըստ Մ.Պողոսյանի, ժամանակավրեպ է նման գնահատական տալը:

Անդրադառնալով վերջին շրջանում տեղի ունեցող բացահայտումներին՝ Մ.Պողոսյանը նշեց, որ բազմիցս ասել է, որ վենդետաներին դեմ է և չի գտնում, որ ներկա իշխանություններն ընկել են նախկինների հետևից.

«Ցանկացած մարդ պետք է իր արած-չարածին պատասխան տա: Դա նորմալ պրոցես է, ես խնդիր չեմ տեսնում: Չի սխալվում այն մարդը, ով չի աշխատում: Ես աշխատող մարդ եմ, կարող է սխալված լինեմ, բայց ինչ-որ չարաշահումներ, ապօրինություններ, ես այդ մասով խնդիր չեմ տեսնում: Ես պատրաստ եմ ցանկացած հարցի պատասխան տալու»:

Հարցին՝ սպասո՞ւմ է, որ ԱԱԾ-ի աշխատակիցներն իրեն «հյուր» կգնան, Մ.Պողոսյանը պատասխանեց, որ միշտ սպասում է բոլոր աշխատակիցներին:

Առաջիկայում օֆշորի գործի վերաբացման մասին պատգամավորը նշեց, որ կցանկանա, որ հասարակությունը մեկ անգամ ևս տեսնի, որ ինչ եղել է, իր ասածները եղել են բառացի ճիշտ, այսինքն՝ այդ ամենը եղել է շոու.

«Եթե նոր իշխանություններն անհրաժեշտ կգտնեն վերաբացել այդ գործը, կաջակցեմ և բոլոր փաստերը կներկայացնեմ»:

Իր քաղաքական ապագայի մասին Մ.Պողոսյանը նշեց, որ ինքը երիտասարդ է, դեռ շատ անելիքներ ունի քաղաքականության մեջ և այլ ոլորտնեում մեր երկրի զարգացման համար: Ակտիվ մարդը չի մարում»:

ՀՀԿ-ի իշխանությունը հանձնելը, ըստ նրա, այն փաստը չէ, որի պատճառով ինքը դուրս կգա ՀՀԿ-ից:

 

168.am

Նմանատիպ նորություններ

«Թող միանգամից Սուրբ Նիկոլի օր սահմանեն եւ սրբադաս... Կառավարությունն այսօր հավանություն տվեց օրենքի նախագծին, որով առաջարկվում է ապրիլի վերջին շաբաթ օրը նշել որպես Քաղաքացու օր` ի նշանավորումն 2018 թ...
Շիրխանյանի բաց նամակի հետքերով.Գարեգին Պետրոսյան... Երեկ համացանցում հայտնվեց պաշտպանության նախարարի նախկին տեղակալ Վահան Շիրխանյանի բաց նամակը ուղղված ՀՀ երկրորդ նախագահ Ռոբերտ Քոչարյանին։ Նման ...
«Ուրալյան ավիաուղիները» դեպի Երևան չվերթներ իրական... «Armeniasputnik»-ի տեղեկացմամբ, «Ուրալյան ավիաուղիներ» ավիաընկերությունը չեղարկել է 67 ուղղություններով չվերթեր իրականացնելու թույլտվությունը։ Այդ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով