Վիճաբանություն, հայհոյանքներ, ծեծ՝ անխուսափելի բացահայտումով

Հուլիսի 8-ին ոստիկանության Վարդենիսի բաժնում հաղորդում էր ստացվել անհայտ անձի կողմից 1960 թ. ծնված Ադիբեկ Ս.-ին ատրճանակի նմանվող առարկայով հարվածելու և մարմնական վնասվածք պատճառելու մասին:

Ոստիկանության ծառայողների կողմից ձեռնարկված միջոցառումների շնորհիվ հուլիսի 9-ին բաժին է հրավիրվել 1991 թ. ծնված Արման Հ.-ն, որը հաղորդում է տվել, որ հուլիսի 8-ին՝ ժամը 18.00-ի սահմաններում, Կարճաղբյուր գյուղի հարակից լճափնյա հատվածում, ընկերոջ` 1988 թ.

ծնված Գեղամ Գ.-ի վարած «Օպել» մակնիշի ավտոմեքենան արգելակվել է ավազների մեջ, փոշի բարձրացրել, ինչի հետևանքով Ադիբեկ Ս.-ն հայհոյել է իրենց, վիճաբանել, ձեռքով հարվածել իր դեմքին, ինչից դրդված ինքը կողքին ամրացված «MP 654 K» տիպի օդաճնշիչ ատրճանակի

բռնակով հարվածել է Ադիբեկ Ս.-ի գլխին, որից հետո վերջինս որդու՝ 1990 թ. ծնված Արամ Ս.-ի հետ շարունակել է բազմաթիվ հարվածներ հասցնել իր մարմնի տարբեր մասերին՝ պատճառելով վնասվածքներ. Արման Հ.-ի հաղորդմամբ՝ նաև ձեռքից վերցրել են ատրճանակը:
Նշանակվել է ԴԲՓ:

Ձեռնարկվում են միջոցառումներ ատրճանակը հայտնաբերելու ուղղությամբ:
Կատարվում է հետաքննություն:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով