ՄԱԿ-ի գլխավոր քարտուղարին և այդ կազմակերպության Անվտանգության խորհրդի նախագահին հղած նամակում, Սիրիայի ԱԳ նախարարությունը հայտնել է, որ ԱՄՆ-ի ղեկավարությամբ այսպես կոչված ԻԼԻՊ-ի դեմ պայքարող կոալիցիան շարունակում է այդ երկրի խաղաղ բնակիչների դեմ իր հարձակումները:
Ինչպես հաղորդել է ԻՌՆԱ գործակալությունը, նամակում նշված է, որ ամերիկյան կոալիցիան վերջին օրերին ռմբակոծել է Սիրիայի Դեր Զորի, Հասակեի և Ալ-Ռաղղայի նահանգների բնակելի տարածքները:
Սիրիայի ԱԳ նախարարության հայտարարության համաձայն, հարձակումների հետևանքով զոհվել է 22 խաղաղ բնակիչ:
Նշելով, որ ԱՄՆ-ը Սիրիայում համագործակցում է ահաբեկիչների հետ, Սիրիայի ԱԳ նախարարությունը շեշտել է , որ Վաշինգտոնը խաղաղ բնակիչներին կոտորելով և ԻԼԻՊ ահաբեկչական խմբավորման հետ համագործակցելով ձգտում է Սիրիայում ճգնաժամի շարունակմանը:
ԱՄՆ-ը բազմիցս ահաբեկչական խմբերի դեմ պայքարի պատճառաբանությամբ, Սիրիայում և Իրաքում թիրախավորել է խաղաղ բնակիչներին:
Parstoday
