Ռուսաստանի ԱԳ նախարարը բացասական պատասխան տվեց Ռուսաստանի Մեծ Յոթնյակ վերադառնալու կապակցությամբ ԱՄՆ նախագահի դիմումին:
Համաձայն «Թասնիմ» լրատվական գործակալության հաղորդման, Ռուսաստանի ԱԳ նախարար Սերգեյ Լավրովը շաբաթ օրն արձագանքելով ԱՄՆ նախագահ Դոնալդ Թրամփին, որ պահանջել էր Ռուսաստանի վերադարձը Մեծ Յոթնյակ, ասաց. «Ռուսաստանն այլ շրջանակներում գերազանց աշխատանք է տանում և Մեծ Քսանյակը շատ ավելի մեծ նշանակություն ունի Մոսկվայի համար»:
Թրամփն ուրբաթ օրը ցանկություն էր հայտնել, որ Ռուսաստանը Մեծ Յոթնյակ վերադարձվի: Այս դիմումը դեմ առավ եվրոպական երկրների ու նաև Ռուսաստանի հակառակության:
Ռուսաստանի նախագահի խոսնակ Դիմիտրի Պեսկովն արձագանքելով ԱՄՆ-ի նախագահ Դոնալդ Թրամփի արտահայտություններին, Ռուսաստանի ԶԼՄ-ների հետ ասուլիսի ժամանակ, ասաց. «Այս խմբում ներկայությունը մեծ նշանակություն չունի և Մոսկվայի կենտրոնացումն այլ շրջանակներում ծավալվող աշխատանքի վրա է»:
Մեծ Յոթնյակի անդամ ԱՄՆ-ն, Բրիտանիան, Կանադան, Ֆրանսիան, Գերմանիան, Իտալիան ու Ճապոնիան վերահսկում են աշխարհի տնտեսության շուրջ 50 տոկոսը:
1998 թվականին Ռուսաստանի անդամակցությամբ հիշյալ խումբը վերանվանվեց Մեծ Ութնյակ, սակայն 2014 թվականին Ղրիմի թերակղզին Ռուսաստանին կցվելուց և այդ երկրի անդամակցությունը դադարեցվելուց հետո կրկին վերականգնվեց Մեծ Յոթնյակ անվանումը:
Parstoday