Լուսաձոր համայնքի ղեկավարը գույքահարկի արտոնություն է տվել հարազատ եղբորը

Առավոտ օրաթերթը գրում է. Հունիսի 5-ին կայացել է Իջեւանի տարածաշրջանի Լուսաձոր համայնքի ավագանու նիստ: Համայնքի ավագանին բաղկացած է 5 հոգուց, ավագանու անդամներից մեկը Ռուսաստանում է գտնվում, մեկ ուրիշ անդամ այդ նիստին չի մասնակցել: Նիստին մասնակցել են ավագանու 3 անդամներ՝ Զոհրաբ Մատինյանը,Համլետ Սարդարյանը, Անդրանիկ Մատինյանը:

Ի թիվս այլ որոշումների՝ ավագանու նշված անդամները որոշել են ղեկավարվելով « Գույքահարկի մասին» օրենքի 15-րդ հոդվածի 3-րդ կետով՝ համաձայնություն տալ համայնքի ղեկավարի առաջարկությանը եւ քաղաքացիներ Հայկ Շամիրի Սարդարյանին՝ 45 հազար դրամի, Հայկ Ասիլբեկի Սարդարյանին՝ 40 հազար դրամի արտոնություն տալ:

Որոշման մեջ գրված է արտոնություն ստացած Սարդարյանների ավտոմեքենաների մակնիշները՝ «Նիսան» եւ «Տոյոտա» : 2016թ.-ից Լուսաձոր համայնքի ղեկավարը 1963թ. ծնված ՀՀԿ անդամ Վարդան Ասիլբեկի Սարդարյանն է, ով Լուսաձորը ղեկավարել է նաեւ 1991-2005 թվականներին:

Գույքահարկի արտոնություն ստացած Հայկ Ասլիբեկի Սարդարյանը համայնքի ղեկավարի հարազատ եղբայրն է: Լուսաձորից տեղեկացանք, որ արտոնություն ստացած Հայկ Շամիրի Սարդարյանը համայնքապետի հորաքրոջ թոռան ամուսինն է, ավագանու անդամ Համլետ Սարդարյանը գույքահարկի արտոնություն ստացած Հայկ Շամիրի Սարդարյանի հարազատ եղբայրն է: Ավագանու անդամ Զոհրաբ Մատինյանն ասաց, որ գույքահարկի արտոնություն տալու համար «բյուջեն ներում է», իրենց համագյուղացիներին արտոնություն են տրամադրել:

Նա ժխտեց, որ ինքը համայնքի ղեկավարի բարեկամն է: Համայնքի ղեկավար Վարդան Սարդարյանն ասաց, որ գույքահարկի մասին օրենքով իրենք իրավունք ունեն համայնքի գույքահարկի գումարի 10 տոկոսի չափով քաղաքացիներին արտոնություն տրամադրել, նրա խոսքերով՝ Լուսաձոր համայնքի գույքահարկը 1 միլիոն 300 հազար դրամ է:

Նա ասաց, որ իր եղբոր ավտոմեքենան շուրջ մեկ տարի իրեն`որպես համայնքի ղեկավարի, ծառայել է, քշվել սարերում: Նա Հայկ Շամիրի Սարդարյանի վերաբերյալ նշեց, որ վերջինս հաշմանդամ է: Նշենք, որ 2017թ. դեկտեմբերի 12-ին Լուսաձորի ավագանին հաստատել է համայնքի բյուջեն, որտեղ գույքահարկի 2018թ. տարեկան պլանը նշված է 1 միլիոն 64 հազար 800 դրամ:

Նմանատիպ նորություններ

«Դուխովներին» ենթարկել խստագույն քրեական պատասխանա... Քաղաքագետ Արթուր Ղազինյան ֆեյսբուքյան իր էջում անդրադարձել է մամուլի հրապարակմանը, ըստ որի՝  Մեղրիի զորամասերից մեկում տեղի ունեցած խնդրից հետո զինվոր...
Փաշինյանի միմոսության ժամանակը շուտով պետք է ավարտ... Փաշինյանի միմոսության ժամանակը շուտով պետք է ավարտվի Պետության առջև ծառացած բազմաթիվ խնդիրները լուծելու անկարողությունը Փաշինյանին դրդել է մասն...
Թարս ձեռնոցներով թարս շաբաթօրյակ.AntiFake.am... Թարս ձեռնոցներով թարս շաբաթօրյակ Վերևներից իջեցված համապետական մաքրության օրակարգը գուցե ավելի լավ վերջաբան ունենար, եթե դրա մեկնարկը չտրվեր թարս...
Մասրիկ գյուղը նշեց Ապրիլյան պատերազմի հերոս նահատա... Ողջ Փոքր Մասրիկ գյուղը նշեց Ապրիլյան պատերազմի հերոս նահատակ Վրեժ Սարգսյանի ծննդյան 30 ամյակը Վրեժ Վարդանի Սարգսյանը ծնվել է 1989թ․ մարտի 22-ին...
«Շրջում ենք քաղաքում, մաքրում կարմիր գծերը». ակցիա... Երևանում «Հանուն արդարության» հասարակական վերահսկողական նախաձեռնությունը համապետական շաբաթօրյակի շրջանակում ակցիա է իրականացնում՝ հիշեցնելով Կարմի...
Նախագահ Արմեն Սարգսյանը շաբաթօրյակին մասնակցում է ... ՀՀ նախագահ Արմեն Սարգսյանն համապետական շաբաթօրյակին մասնակցում է թոռնիկների հետ։ Այս մասին տեղեկացնում է ՀՀ նախագահի աշխատակազմի ֆեյսբուքյան էջ...
Ի վերջո, պետք չէ պետական կառույցների պաշտոնական ան... Հարգելի ՀՀ քաղաքացիներ, Երեկ «Հայկական Առողջապահական Ազգային Խորհուրդ» ՔՀԿ կոալիցիան դիմել է ՀՀ Ազգային Ժողովի նախագահին, Առողջապահության և սոց...
Չի կարելի աղբի մեջ կանգնել և հանդիսավոր միջոցառում... Համազգային թատրոնի նոր շենքի հիմնարկեքի արարողությունը հետաձգվեց, քանի որ վարչապետ Նիկոլ Փաշինյանը, տեսնելով տարածքը՝ աղբի մեջ կորած, սկսեց աղբ հա...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով