ՀՀԿ-ի կապիտուլյացիան՝ ազատագրում ռուսական «11-րդ բանակի» օկուպացիայից.1in.am

«Վաղն ամբողջ հանրապետությունում հայտարարվում է գործադուլ և դասադուլ»,- հայտարարել է Նիկոլ Փաշինյանը երեկ ուշ երեկոյան Հանրապետության հրապարակում կայացած հանրահավաքում: «Վաղը 8:15-ից շրջափակվում են հանրապետության բոլոր փողոցները, երկաթուղիները: Ամեն ինչ, ինչ հնարավոր է շրջափակել, ես դիմում եմ որպես վարչապետի՝ ժողովրդի կողմից առաջադրված թեկնածու: Ես ուզում եմ հստակ իմանալ, որ չի կարող մեր հաղթանակը չպսակվել հաղթանակով, գոյություն չունի այդպիսի տարբերակ»,- ասել է նա:

Սա համաժողովրդական շարժման առաջին արձագանքն էր ՀՀԿ խմբակցության որոշմանը, որով երեկ տապալվեց վարչապետի պաշտոնում Նիկոլ Փաշինյանի ընտրությունը: Ասել, թե իր քայլով խորհրդարանական մեծամասնությունը գեներացրեց քաղաքական աննախադեպ ճգնաժամ՝ նշանակում է ըստ էության չասել ոչինչ: Երեկ ՀՀԿ-ն բովանդակային հարթության վրա փակեց ճգնաժամը հանգուցալուծելու քաղաքական ճանապարհը՝ միևնույն ժամանակ չառաջարկելով որևէ այլընտրանք, քաղաքական իշխանությունը վերակազմակերպելու, բնականոն կյանքը վերականգնելու որևէ դեղատոմս: Հակահեղափոխությունը դիմեց հակագրոհի, որի թիրախը Հայաստանի պետականությունն է, ժողովրդավարությունը, քաղաքականությունն առհասարակ:

Հայաստանի խորհրդարանը երեկ կարճ ժամկետով կարող էր լեգիտիմացվել՝ դառնալով պետական այն ինստիտուտը, որը կհանգուցալուծեր երկրի քաղաքական ճգնաժամը՝ ինստիտուցիոնալ հիմքերի վրա դնելով հասարակության հաղթանակը, հեղափոխության հետևանքները: Սա նույնիսկ ոչ թե կապիտուլյացիա կլիներ սեփական ժողովրդի առջև, այլ կընկալվեր որպես ՀՀԿ անուրանալի ավանդ նոր որակի պետության ձևավորման գործընթացում: Սակայն հակահեղափոխությունը՝ ՀՀԿ-ի դեմքով, դիմեց հակագրոհի, որի հետևանքը քաղաքական իշխանության, պետական ինստիտուտների տոտալ վակուումն է:

Այլ խոսքով՝ խորհրդարանական մեծամասնությունը համախմբված սադրեց անիշխանություն, որն ըստ էության կապիտուլյացիայի ակտ է՝ ոչ թե սեփական ժողովրդի, այլ Ռոբերտ Քոչարյանի, Ռուսաստանի առջև: Քաղաքական տոտալ անպատասխանատվության դրսևորում է՝ չառաջադրել սեփական թեկնածուի, սակայն մերժել համաժողովրդական շարժման, քաղաքական ամբողջ ներկապնակի կոնսոլիդացված թեկնածուին: Սա ինքնաբերաբար ենթադրում է սեփական քաղաքական սնանկության խոստովանություն և ճանապարհի հարթում Ռոբերտ Քոչարյանի վերադարձի, ռեստավրացիայի համար՝ քաջ գիտակցելով, որ վերջինիս զինանոցում առկա է հասարակության հետ «երկխոսելու» ընդամենը մեկ միջոց՝ Մարտի 1-ը:

Երեկ հակահեղափոխությունը հակագրոհի է անցել ռուսական դրոշներով՝ կայսրությանը հրավիրելով լցնել անիշխանության հարուցած վակուումը, Երևանի փողոցներում թիրախավորել Սաակաշվիլիին, որի «ականջները» ՀՀԿ գործիչներն արհեստականորեն փնտրում են Երևանի կենտրոնական հրապարակում և փողոցներում: ՀՀԿ-ն երեկ դադարեց իշխանություն, կուսակցություն լինելուց, որովհետև ասոցացվեց, նույնացավ «11-րդ բանակի» հետ, որի մուտքը Հայաստան խորհրդանշում է ռուսական օկուպացիան, վասալությունը:

ՀՀԿ մեծամասնության հետ քաղաքական երկխոսության ձևաչափն ու օրակարգն ըստ էության սպառված են, որովհետև միայն այս կուսակցության կապիտուլյացիան Հայաստանը կարող է փրկել ռուսական տոտալ օկուպացիայից, որի դրսևորումը լինելու է նոր արյունոտ Մարտի 1-ը: Թավշյա հեղափոխությունն այլևս դարձել է Հայաստանի ինքնիշխանության, ազատության խորհրդանիշը:

Հոդվածը՝  1in.am կայքի

Լուսանկարը՝ Photolure-ի

«Պատրաստվում ենք այս hինգշաբթի կոտրել ամենատարածված միֆերը Covid-19-ի մասին».Արմեն Մուրադյան

01.06.2020

ՀՀ-ում կորոնավիրուսից մահացած ոչ մի անձ չկա․ Վահան Հովհաննիսյան

02.06.2020

Սուտ. որը թիթեռի պես մեկ օրվա կյանք ունեցավ

31.05.2020

«Եթե Նիկոլ Փաշինյանը հրաժարական տա առաջիկա շաբաթվա ընթացքում՝ ես դուրս կգամ քաղաքականությունից». Արմեն Աշոտյան.168.am

04.06.2020

Չի բացառվում, որ մինչև շաբաթվա վերջ երկրում տոտալ սահմանափակումներ կիրառվեն.«Փաստ»

04.06.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով