Զոհրաբյանը զգուշացրել է ԱԺ խմբակցություններին. «Ժամանակ»

«Ժամանակ» թերթը գրում է. «ՀՀ Փաստաբանների պալատի նախագահ Արա Զոհրաբյանը երեկ այցելել է խորհրդարան և հանդիպել ԱԺ խմբակցությունների հետ:

Նա զգուշացրել է, որ եթե այսօր մեկնարկելիք ԱԺ արտահերթ նստաշրջանում ընդունվեն Քաղաքացիական դատավարության օրենսգրքում նախատեսվող փոփոխությունները, ինչը իրավունք է տալիս տուգանել կարգազանց փաստաբաններին, ապա ինքը չի կարող երաշխավորել, որ փաստաբանները անժամկետ գործադուլ չեն հայտարարի:

Զոհրաբյանն առաջարկել է, որ փաստաբաններին նախազգուշացնելու կամ պատժելու իրավունքը թողնվի պալատին, բայց իշխանությունները փաստաբաններին ճնշելու գործուն մեխանիզմի գործադրումը համարում են օրախնդիր: Հայաստանում ձևավորվում է մի համակարգ, որտեղ նախկինում եղած մանր-մունր ազատություններն անգամ ենթակա են էական սահմանափակման»: