Սերժ Սարգսյանը Մյունխենում իրեն դրսևորեց որպես հիանալի վերլուծաբան. Տարասով

ՀՀ նախագահ Սերժ Սարգսյանի ելույթը Մյունխենի անվտանգության 54-րդ գագաթնաժողովի ընթացքում հայտնվել է միջազգային փորձագիտական համայնքի ուշադրության կենտրոնում: Հատկապես ուշագրավ են որակվել ՀՀ նախագահի դիտարկումները անվտանգության համաժողովի հարցուպատասխանի ընթացքում:

Խոսելով 2013 թվականին Ասոցացման համաձայնագիրը և Խորը ու համապարփակ ազատ առևտրի գոտու պայմանագիրը չստորագրելու և Մաքսային միությանը միանալու որոշման դրդապատճառներից` ՀՀ նախագահն ասել է, որ Հայաստանը որևէ երկրի հետ գաղտնի բանակցություններ չի վարել, որևէ մեկի ճնշման տակ որոշում չի կայացրել: «Ինչպես ես ասացի, մեր պատմական փորձը ցույց է տալիս, որ հակամարտություններից փորձել ժամանակավոր օգուտներ քաղել բերում է մեծ ողբերգությունների: Մենք այդպիսի ողբերգության միջով անցել ենք և չէինք ուզենա, որ այդ ողբերգությունները կրկնվեին»,-ասել է Սարգսյանը:

ՀՀ նախագահն իր հիմնական ելույթի ընթացքում անդրադարձել էր նաև օրեր առաջ Ադրբեջանի նախագահ Իլհամ Ալիևի` Երևանին և Զանգեզուրին ուղղված տարածքային նկրտումներին՝ ասելով. «Նախագահ Ալիևը ոչ ավել, ոչ պակաս տարածքային նկրտումներ է հայտարարում Հայաստանի մայրաքաղաք Երևանի հանդեպ՝ անվանելով այն պատմական ադրբեջանական տարածք: Զառանցանք է, իհարկե, բայց Եվրոպայի լռության պայմաններում այդպիսի անհեթեթությունները կարող են ունենալ շատ լուրջ հետևանքներ»:

168.am-ի հետ զրույցում ռուս քաղաքական վերլուծաբան Ստանիսլավ Տարասովն ասաց, որ ինչպես ռուսական մի շարք աղբյուրներ, այնպես էլ անձամբ ինքը բարձր է գնահատում համաժողովին ՀՀ նախագահ Սերժ Սարգսյանի պատրաստվածության մակարդակը: Ըստ նրա՝ ռուսական տեսանկյունից Սարգսյանը չափազանց դիպուկ և կիրթ է արտահայտվել Մյունխենի անվտանգության կոնֆերանսի ընթացքում: «Արտացոլվեց, որ ՀՀ նախագահը լավագույնս հասկանում է այն ամենը, ինչ կատարվում է միջազգային հարաբերություններում. խոսքը Արևմուտքի և Ռուսաստանի ճգնաժամային հարաբերությունների և այդ հարաբերություններում Հայաստանի դերի մասին է, ինչպես նաև մերձավորարևելյան զարգացումների մասին: Նա իրեն դրսևորեց որպես հիանալի միջազգային վերլուծաբան»,- ասաց Ստանիսլավ Տարասովը:

Ռուս վերլուծաբանի խոսքով՝ առաջին անգամը չէ, որ ՀՀ նախագահը պնդում է, որ Եվրասիական տնտեսական միությանը միանալիս Հայաստանը քաղաքական ճնշումների չի ենթարկվել, ինչը համապատասխանում է իրականությանը, ավելին՝ Եվրամիությանն առաջարկել է համադրել այս երկու միությունները՝ միանալով ԵՏՄ-ին և ստորագրելով միայն Ասոցացման համաձայնագիր առանց առևտրային բաղադրիչի, որը Վիլնյուսյան գագաթնաժողովին հաջորդած փուլում ստորագրեց Ուկրաինան:

«Տևական ժամանակ Եվրամիությունը մերժում էր Հայաստանին, նշում էին, թե հնարավոր չէ համադրել: Հատկապես կարևոր է հայկական կողմի այն գիտակցումը, որ հակամարտություններից պետք չէ փորձել օգուտներ կորզել, ինչպես ժամանակ առ ժամանակ Հայաստանի հարևան երկրներն են փորձում անել, քանի որ դրանք կայուն և երկարատև օգուտներ չեն լինում: Հայաստանի ընտրած այս մոդելն ապացուցեց իր կենսունակությունը, քանի որ այսօր Հայաստանը և Եվրասիական տնտեսական միության լիիրավ անդամ է, և ստորագրել է համաձայնագիր Եվրամիության հետ՝ վերացնելով այդ հարաբերություններում անցյալում առաջացած խնդիրները»,- ասաց Տարասովը:

Ինչ վերաբերում է ԼՂ հակամարտության վերաբերյալ Սարգսյանի դիտարկումներին, ապա Ստանիսլավ Տարասովի խոսքով՝ Ալիևի` Երևանը և Զանգեզուրը վերադարձնելու կոչերին պաշտոնական Երևանը կարող էր արձագանքել, կարող էր նաև չարձագանքել, քանի որ դրանք Ադրբեջանի կողմից բավականին մարգինալ հայտարարություններ են լուրջ արձագանքելու համար: «Ադրբեջանի պատմությունը ուսումնասիրել ենք ոչ միայն մենք` ռուսներս, այլև ողջ աշխարհը, Եվրոպան: Կարիք չկա հիշեցնելու, թե երբ է սկսվել Ադբեջանի պատմությունը:

Ադրբեջանը գնում է նման սադրանքների նախընտրական փուլում.նա սեփականացնում է ոչ միայն Հայաստանի, այլև Իրանի պատմությունը: Տրամաբանորեն հարցեր կարող էին հնչել Իրանի կողմից. Իրանը լռում է: Ռուսաստանը կարող էր արձագանքել. Ռուսաստանը ևս լռում է, այսինքն` եղել է արձագանք Զախարովայի կողմից, բայց այն ոչինչ չասող է, այսպիսին է, քանի որ բոլորն են հասկանում, որ դրանք մարգինալ և նախընտրական քարոզարշավի տրամաբանության մեջ տեղավորվող հայտարարություններ են:

Նման հայտարարություններից միայն կարող ենք եզրակացնել, թե ինչ բարդ է դրությունը Ադրբեջանի ներքաղաքական կյանքում. ներքաղաքական պայքարն այնպիսի լարման է հասել, որ Իլհամ Ալիևը նման հայտարարություններ է անում: Ալիևը թուրքական կողմից ևս լուրջ մտավախություններ ունի, վստահ չէ Էրդողանի իշխանության կայունության մեջ։ Այս ամենով եմ ես բացատրում նման հայտարարությունները: Նույնիսկ չեմ կարծում, թե դրանց արձագանքել է պետք: Այնպես որ, Սերժ Սարգսյանի արձագանքը բնական էր. համամիտ եմ այն որոշման հետ, որ այդ հայտարարությանը պետք չէ մեծ կարևորություն տալ»,- ասաց Տարասովը:

Ռուս քաղաքագետը, մեկնաբանելով ՀՀ նախագահ Սերժ Սարգսյանի` ԼՂ հակամարտության կարգավորման տարբերակի վերաբերյալ ներկայացրած տեսլականը, ասաց, որ Հայաստանի, Ռուսաստանի և Արևմուտքի դիրքորոշումները նույնն են: «Այո, համանախագահ երկրները պետք է համագործակցեն և օրինակ ծառայեն, թե ինչպես կարելի է լարված հարաբերությունների իրավիճակում համագործակցել:

Բայց սա բարդ հակամարտություն է, և Սերժ Սարգսյանն արտացոլեց այդ բարդությունը։ Մեծ քաղաքականության մեջ պետք է դիտարկել իրողությունները, մեր վերլուծություններին կարելի է նույնիսկ ուշադրություն չդարձնել, կարևորը դիտարկել իրողությունները, իսկ իրողությունն այն է, որ կան ԼՂ հակամարտության կարգավորման հստակ փաստաթղթեր, իրողություն է այն, որ Ռուսաստանը Հայաստանի ռազմավարական գործընկերն է, Հայաստանը Ռուսաստանի գործընկերն է Եվրասիական տնտեսական միության շրջանակում, եթե խոսքը ռազմավարական գործընկերության մասին է, ի տարբերություն Ադրբեջանի, սրանով էլ կարող ենք բացատրել Ռուսաստանի շահերը, որոնք համընկնում են հայկական շահերի հետ:

ՀՀ նախագահն ի պատասխան ադրբեջանցի դիվանագետի, խոսեց հենց իրողություններից, փաստաթղթերից, թե ինչու, օրինակ, ադրբեջանցի փախստականներն այսօր չեն կարող վերադառնալ Ղարաբաղ, թե ինչպես և ինչ հերթականությամբ պետք է լուծել Ղարաբաղյան հակամարտությունը և թե ինչպես են Ալիևի հայտարարությունները խոչընդոտում Ղարաբաղյան հակամարտության կարգավորմանը: Ընդհանուր առմամբ Ղարաբաղյան հակամարտության վերաբերյալ ՀՀ նախագահի գնահատականները նաև սուր էին, նոր նրբերանգներ էին արտահայտված, սակայն միևնույն ժամանակ ի տարբերություն Ադրբեջանի` չափազանց հավասարակշռված են, ինչը ամենաշատն է գնահատվում»,- ասաց Տարասովը:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով