Հունաստանը սառեցրել է թուրք նախկին զինծառայողին քաղապաստանի տրամադրումը

Հունվարի 8-ին Աթենքի Վերաքննիչ վարչական դատարանը բավարարել է Հունաստանի կառավարության դիմումը՝ ժամանակավորապես սառեցնելով Թուրքիայի քաղաքացի, նախկին զինվորական Սուլեյման Օզքայնաքչըին քաղաքական ապաստան տրամադրելու մասին Հունաստանի Փախստականների խորհրդի որոշումը:  Այս մասին հայտնում է հունական Naftemporiki կայքը:

Թուրքիայի նշված քաղաքացին 2016 թ. հուլիսի ռազմական հեղաշրջման փորձից հետո 7 այլ զինվորականների հետ ռազմական ուղղաթիռով փախել էր Հունաստան: Մինչև այժմ հունական դատարանը քանիցս մերժել է նրանց Թուրքիային արտահանձնելու պահանջը: Թուրքիայի 8 քաղաքացիներն էլ դիմել էին Հունաստանի Փախստականնների խորհրդին՝ խնդրելով իրենց քաղաքական ապաստան տրամադրել:

2017 թ. դեկտեմբերի 30-ին խորհուրդը որոշել էր ապաստան տրամադրել և կալանքից ազատել նրանցից մեկին՝ հենց նշված Օզքայնաքչըին, իսկ մյուս 7-ի գործը դեռ քննվում է: Սակայն նույն օրը Հունաստանի կառավարությունը՝ վարչապետ Ալեքսիս Ցիպրասի գլխավորությամբ, սահմանված կարգով որոշումը բողոքարկել էր Աթենքի Վերաքննիչ վարչական դատարանում՝ պահանջելով չեղարկել ապաստանի տրամադրումը:

Հունաստանի կառավարությունն իր դիրքորոշումը բացատրում է «Թուրքիա-Հունաստան հարաբերությունների վատթարացումից» խուսափելու անհրաժեշտությամբ: Հունվարի 8-ին դատարանը ընդունել է կառավարության հայցադիմումը՝ ժամանակավորապես սառեցնելով Խորհրդի որոշումը: Այս գործը պետք է նորից քննվի փետրվարի 15-ին:

Հիշեցնենք, որ Թուրքիան պետական ամենաբարձր մակարդակով մշտապես սպառնացել է, որ եթե Հունաստանը քաղաքական ապաստան տրամադրի այդ անձանց՝ դա կազդի իրենց հարաբերությունների վրա:

Չնայած սրան՝ 2017 թ.  հունվարի 26-ին Հունաստան գերագույն դատարանը որոշել էր Թուրքիային չարտահանձնել Հունաստան փախած 8 զինծառայողներին: Մինչև 2017 թ. դեկտեմբերը՝ Թուրքիայի նախագահ Ռեջեփ Թայիփ էրդողանի Հունաստան այցը, հունական կառավարությունը այս հստակ քայլերի չէր դիմել: Չի բացառվում, որ Էրդողանի Հունաստան այցի ընթացքում կողմերի միջև որոշակի պայմանավորվածություն է ձեռք բերվել:

 

 

 

razm.info

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով