Թուրքիայում 2015-ի հունիսի խորհրդարանական ընտրություններից հետո մինչև այժմ թուրք ուժայինների և «Քրդստանի աշխատավորական կուսակցության» (PKK) զինյալների բախումներում սպանվել է ընդհանուր առմամբ 1212 ուժային, այդ թվում՝ 771 զինծառայող, 352 ոստիկան, 89 «գյուղական պահաապան»: Այս մասին հայտնում է T24 հեռուստալիքի կայքը:
Ըստ աղբյուրի՝ նույն ժամանակահատվածում թուրք-քրդական բախումների ընթացքում սպանվել է 555 քաղաքացիական: Թուրքական կայքը նշում է, որ վերջին մի քանի տարիներին թուրքական ուժայիններում ամենաշատ կորուստները արձանագրվել են 2016-ին:
2016-ին բացի PKK-ի դեմ գործողություններից, կորուստներ են եղել նաև 2016-ի հուլիսի ռազմական հեղաշրջման փորձի ժամանակ: Ըստ աղբյուրի՝ հեղաշրջման փորձի ժամանակ սպանվել է ոստիկանության հատուկ նշանակության ուժերի 62 ծառայող, 5 զինծառայող, 173 քաղաքացիական:
Թուրքական աղբյուրը նշում է, որ ընդհանուր առմամբ 1994 թվականից մինչև այժմ Թուրքիայում PKK-ի հետ բախումներում սպանվել է 8350 ուժային, որից 6105-ը զինծառայող, 805-ը ոստիկան, 1440-ը «գյուղական պահապան»:
2005-2017 թվականներին Թուրքիայի ուժայիններում գրանցված կորուստների վիճակագրություն.
Տարեթիվ | զինծառայող | ոստիկան | «գյուղական պահապան» | ընդհանուր |
2005 | 92 | 3 | 10 | 105 |
2006 | 87 | 13 | 11 | 111 |
2007 | 126 | 1 | 19 | 146 |
2008 | 138 | 11 | 22 | 171 |
2009 | 58 | 4 | — | 62 |
2010 | 89 | 8 | 9 | 106 |
2011 | — | 44 | 7 | 51 |
2012 | 182 | 43 | — | 225 |
2013 | 38 | 23 | — | 61 |
2014 | — | 114 | — | 114 |
2015 | 123 | 91 | 5 | 219 |
2016 | 452 | 215 | 58 | 723 |
2017 | 196 | 48 | 26 | 270 |
Ընդհանուր | 2364 |
Թուրք-քրդական բախումները վերսկսել են 2015-ի ամռանից: Դրանք հիմնականում ընթանում են երկրի արևելյան և հարավարևելյան նահանգներում: Բացի մարդկային կորուստներից շատ են նաև նյութական կորուստները, մի շարք բնակավայրեր ավերակների են վերածվել:
Razm.info