ՌԴ ԶՈւ 102-րդ ռազմաբազայի ուղղաթիռները թռիչքներ են անում Հայաստանի լեռներում

Երևանի «Էրեբունի» օդանավակայանում տեղակայված Ռուսաստանի ԶՈւ 102-րդ ռազմաբազայի բանակային ավիացիայի Մի-8ՄՏ բազմանպատակային և Մի-24Պ հարվածային ուղղաթիռները լեռնային պայմաններում թռիչքներ են կատարում։ Թռիչքներն անցկացվելու են մեկ ամիս, բարձրլեռնային տեղանքում։ Այս մասին Razm.info-ին հայտնում է ՌԴ ԶՈւ հարավային ռազմական շրջանի մամուլի ծառայությունը։

Վարժանքների սկզբում օդաչուներն իրականացնելու են պիլոտաժի պարզ հնարքներ, թռիչքներ և վայրէջք լեռնային տեղանքում նախապես հանձնարարված երթուղով, ինչպես նաև օդաչու-հրահանգիչների մշակած տարբեր առաջադրանքներ։

Վարժանքների ավարտին բանակային ավիացիայի անձնակազմերը իրականացնելու են թռիչքներ հիմնական օդանավակայանից պահեստային օդանավակայան, ինչպես նաև անծանոթ տեղանքներում ընտրելու են վայրէջքի հրապարակներ։

Հետևեք մեզ Տելեգրամում՝ t.me/lurer4news

 

 

Razm.info

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով