ԻՊ զինյալների կողմից Հյուսիսային Իրաքում առևանգված եզդիների մեծ մասն անհայտ կորած են համարվում

«Իսլամական պետության» զինյալների կողմից Հյուսիսային Իրաքում առեւանգված եզդիների մոտ կեսն առայժմ դեռ չեն գտնվել, առեւանգումից երեք տարի անց դեռ համարվում են անհետ կորած, փոխանցում է AFP-ը:

2014-ին, ԻՊ զինյալները Սինջարում սպանել են հազարավոր եզդիների եւ հազարավոր կանաց ու աղջիկների փախցրել, որոնցից շատերը ահաբեկիչների սեռական ստրուկներն են դարձել:

Իրաքի Քուրդիսատանի կրոնական հարցերով նախարարության ներկայացուցիչ Խաիրի Բոզանին հայտնել է, որ 2014-ի օգոստոսին ահաբեկիչներն առեւանգել են 6417 եզդի, որոնցից միայն 3207-ին է հաջողվել փախչել կամ փրկվել: Մյուսները, որոնց թվում 1507 կին եւ աղջիկ, դեռ պահվում են ջիհադականների կողմից  եւ համարվում են անհետ կորած: Նախարարության տվյալներով՝  2525 եզդի երեխաներ որբացել են: Ըստ Բոզանիի՝ 2014-ից հայտնաբերվել է սպանված եզդիների զանգվածային 47գերեզման:

Հետևեք մեզ Տելեգրամում՝ t.me/lurer4news

ՄԱԿ-ը Հյուսիսային Իրաքում եզդիների սպանդը ցեղասպանություն է կոչել՝ նշելով, որ ԻՊ-ը ծրագրել է սպանություններն ու դիտավորյալ առանձնացրել եզդի տղամարդկանց ու կանանց՝ երեխաների ծնունդը թույլ չտալու համար:

news.am

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով