«Մինչև հիմա մենք չէինք ապահովել ՄԻԵԴ մի շատ կարևոր դրույթ». Գևորգ Կոստանյան

«Մինչև հիմա մենք չէինք ապահովել ՄԻԵԴ մի շատ կարևոր դրույթ` մարդը պետք է իրավունք ունենա վիճարկել իր ձերբակալումը»,- այսօր ԱԺ Պետաիրավական և մարդու իրավունքների պաշտպանության հարցերի մշտական հանձնաժողովի նիստում հայտարարեց ՀՀԿ-ական պատգամավոր Գևորգ Կոստանյանը «ՀՀ քրեական դատավարության օրենսգրքում փոփոխություններ և լրացումներ կատարելու մասին» օրենքների փաթեթում փոփոխությունների քննարկման ժամանակ:

Ըստ նրա` եթե ձերբակալման ժամը 72 ժամ է, անձը կարող է իր ձերբակալումը վիճարկել 60 ժամվա ընթաքում, դատարանն էլ կարող է քննել 5-րդ օրը, այսինքն` դատարանը կարող է միայն ձերբակալումից հետո ասել, որ ապօրինի էր, իսկ ձերբակալումը դադարեցնելու կամ ապօրինի կանխելու համար նշանակություն չի ունենում:

Արդարադատության նախարարի առաջին տեղակալ Արթուր Հովհաննիսյանը նշեց, որ կալանավորման միջնորդությունը քննելու ժամանակ դատարանը կարող է անդրադառնալ ձերբակալման հարցին, նաև կարող է քննել անհապաղ, եթե կյանքին սպառնացող վտանգ կամ նրան խոշտանգման ենթարկելու հավանականություն կա:

Գ.Կոստանյանը հայտարարեց, որ այս խմբագրությամբ այս նախագիծը բացարձակ չի ծառայում Կոնվենցիայի 5-րդ հոդվածի պահանջներին և չի համապատասխանում Կոնվենցիային. «Պետք է մարդը կարողանա ձերբակալումը վիճարկել այնպես, որ ազատությունից ապօրինի զրկելն առնվազն կանխվի կամ վերականգնվի»:

«Ելքի» պատգամավոր Արտակ Զեյնալյանը հետաքրքրվեց, թե տարեկան քանի՞ ձերբակալություններ են լինում, և արդյոք դատարանները կկարողանա՞ն արդյունավետորեն քննել:

Ա.Հարությունյանը պատասխանեց, որ ձերբակալվածների մասին վիճակագրություն չունի, սակայն դատարաններն ունակ կլինեն այս իրավունքների խախտմանն անդրադառնալ, քանի որ Երևանի դատարանին վերաբերող օրնսդրական նախաձեռնությունը որոշ չափով կբեռնաթափի դատավորներին և հնարավոր կլինի արդյունավետ քննել ձերբակալումների հարցը:

 

 

 

168.am

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

ԶՈՄԲԻՆԵՐԻ ՁԵՌՔԲԵՐՈՒՄԸ

02.08.2020

«Սիրելի երևանցիներ, էդ ոռապատռուկների կեղծ խոսքերին դուք իզուր հավատացիք…». Ռուսլան Բաղդասարյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով