Արցախ այցելած թուրք գործիչները հնարավոր է՝ դիմեն ՄԻԵԴ՝ իրենց հանդեպ հարուցված քրեական գործի համար

Загрузка...

«Դա անակնկալ էր մեզ համար, մենք չէինք մտածում, որ նման քրեական գործի մաս կլինենք»,- 168.am-հետ զրույցում ասաց Թուրքիայի 23-րդ գումարման Խորհրդարանի ընդդիմադիր պատգամավոր, քաղաքական գործիչ Ուֆուկ Ուրազը՝ խոսելով իր և իր ընկերների նկատմամբ հարուցված քրեական գործի մասին:

Հիշեցնենք, որ Թուրքիայում քրեական գործ է հարուցվել չորս գործիչների նկատմամբ, որոնք սեպտեմբերին այցելել էին Լեռնային Ղարաբաղ: Քրգործ է հարուցվել գրող Սայիթ Չեթինօղլուի, քաղաքական գործիչ Ուֆուք Ուրասի, լրագրողներ Ալի Բայրամօղլուի և Էրոլ Քաթըրջըօղլուի նկատմամբ:

Ու. Ուրազը մեզ հետ զրույցում ասաց, որ իրենք այցելել էին Ղարաբաղ, որպեսզի որպես հասարակական, քաղաքական գործիչներ, լրագրողներ՝ հասկանան այնտեղ տիրող իրավիճակը.

«Մենք չէինք սպասում նման բանի, մենք այցելել էինք, որպեսզի խնդրի վերաբերյալ մյուս կողմի դիրքորոշումը ևս լսենք: Մենք ուզում էինք, որ թուրքական իշխանությունները մեր իրավունքները պաշտպանեն: Մենք նաև նամակ էինք գրել նախագահ Ալևին՝ հայտնելով նրան մեր դիրքորոշումը և նշելով, որ ուզում ենք, որ նա հետ վերցնի բողոքը Եվրոպոլից, քանի որ դա սահմանափակում է մեր ճանապարհորդելու ազատությունը: Եթե չհասնենք որևէ արդյունքի, մենք պատրաստվում ենք դիմել Մարդու իրավունքների եվրոպական դատարան (ՄԻԵԴ)»:

Մեր զրուցակիցն ընդգծեց, որ իրենք չեն գտնում, որ որևէ սխալ բան են արել.

«Մենք ընդամենն ուզում էինք ղարաբաղյան հակամարտության մանրամասներին ծանոթանալ: Մենք ուզում ենք, որ խնդիրը հանգուցալուծվի խաղաղությամբ և դիվանագիտական ճանապարհներով: Մենք նաև հայտարարել ենք, որ ադրբեջանական ժողովրդի ընկերն էլ ենք և մենք դեմ ենք ցանկացած ռասիստական կամ ազգայնամոլական մոտեցումներին: Կարծում եմ՝ մեր հանդեպ հարուցված քրեական գործը նաև կսահմանափակի այն մարդկանց, ովքեր ցանկություն ունեին այցելել Ղարաբաղ»:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...