Ապրանքների գների կամայական թռիչքը. «Ոմանք ուզում են «ձեռքերը տաքացնել». «Փաստ»

«Փաստ» թերթը գրում է. «Հայաստանում որոշ ապրանքատեսակների գնաճը շարունակվում է: Նշենք, որ ձվի գնի շուկայում թանկացումներ էին գրանցվել, ինչի հետեւանքով ձվի գինը հասել էր մինչեւ 90 դրամի: Ձվի գնի թանկացմանը նախորդող ժամանակահատվածում բարձրացել էին նաեւ կարագի, բենզինի, ձկնամթերքի եւ մսամթերքի գները:

Տնտեսագետ Թաթուլ Մանասերյանի խոսքով, թեեւ այս պահին սոցիալական լարվածության մեծացման տեսանկյունից սպառնալիք չկա, բայց գնաճի առումով մտահոգությունն, այնուամենայնիվ, պահպանվում է:

«Բացի այսօրվա թանկացումներից, արդեն հայտնի է, որ 2018 թվականի հունվարի մեկից եւս մի շարք ապրանքատեսակների գներն ավելի են բարձրանալու, քանի որ արդեն այլ արտոնյալ պայմաններով չեն ներմուծվելու: Այստեղ, իհարկե, կա մտահոգություն, եւ կարծում եմ, որ պետության տնտեսական քաղաքականությունը մշակող եւ այն իրականացնող համապատասխան մարմինները պետք է ավելի շրջահայաց լինեն, որպեսզի գնաճը չանցնի թույլատրելի մակարդակը: Այն պետք է համապատասխանի այն թույլատրելի սահմաններին, որը կա Հայաստանում, իսկ ամենակարեւորը՝ ազգաբնակչության գնողունակության մակարդակին»,- ասաց Թաթուլ Մանասերյանը:

Իսկ թե հատկապես ինչի՞ արդյունք է գնաճը, տնտեսագետը նկատեց.

«Այն ունի եւ՛ սուբյեկտիվ, եւ՛ օբյեկտիվ պատճառներ: Օբյեկտիվն այն է, որ համաշխարհային շուկայում, իհարկե, որոշ ապրանքների գներ տատանվում են ու բարձրանում: Բայց զուգահեռ դրան կա սուբյեկտիվ պատճառ, ըստ որի՝ կան ապրանքների խմբաքանակներ, որոնք ավելի էժան գնով են ներմուծվել, բայց հիմա թանկով են վաճառվում: Եվ երկրորդն այն է, որ կան ապրանքներ, որոնք տեղական հումքով են արտադրվում, բայց գնային առումով նույնպես կամայական թռիչք են արձանագրել: Այս տեսանկյունից շատ կարեւոր է պետության վերահսկիչ գործառույթը: Պետությունը պետք է ուշադիր լինի:

Պետք է տարանջատի ու տեսնի, թե թանկացումն իսկապես համաշխարհային գների արդյունք է, թե որեւէ մեկը կամայականորեն որոշել է բարձրացնել գները եւ մեծ շահույթներ ստանալ: Տնտեսական մրցակցության պաշտպանության պետական կոմիտեն եւ մնացած օղակները գնաճը զսպելու համար պետք է համաձայնեցված ու համակարգված աշխատանքներ տանեն»:

Գնաճը զսպելու քաղաքականության մեջ, որպես աշխատանքի արդյունավետ օրինակ, տնտեսագետն առանձնացրեց միայն Կենտրոնական բանկի վարած դրամավարկային քաղաքականությունը:

«Գների կայունությունն ապահովելու համար Կենտրոնական բանկը շատ շրջահայաց եւ հավասարակշռված քաղաքականություն է վարում: Բայց թույլ տվեք նկատել, որ եթե համապատասխան պետական մարմինները չաջակցեն եւ իրենց գործառույթները չիրականացնեն, միայն Կենտրոնական բանկի ջանքերով հնարավոր չէ ապահովել գների կայունությունը»,- հավելեց տնտեսագետը:

Թաթուլ Մանասերյանի դիտարկմամբ, սպառողին գրավելու համար ցանկացած երկրում Ամանորի նախաշեմին ապրանքների գների անկում է տեղի ունենում:

«Այս առումով տարբեր ապրանքարտադրողների մրցակցությունն ավելի է սրվում: Արդեն երկար տարիներ Հայաստանում այդ պարադոքսը եւս նկատվում է: Դարձյալ պատճառն այն է, որ առանձին տնտեսվարողներ այդ օրերին ուզում են ձեռքերը «տաքացնել» եւ ավելի մեծ շահույթներ եւ գերշահույթներ ստանալ: Բնականաբար, եթե պետությունն իր կարգավորիչ եւ վերահսկիչ գործառույթները չիրականացնի, ապա կլինի այնպես, ինչպես ամեն տարի է եղել: Հույս ունենք, որ այս անգամ ադեկվատ մոտեցում կլինի»,- եզրափակեց տնտեսագետը»:

Ամբողջությամբ կարող եք կարդալ «Փաստ» թերթի այսօրվա համարում:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով