Անցնող շաբաթը հագեցած էր թե´ մեր երկրի ներքաղաքական կյանքում, թե´ աշխարհում: «Մերոնք»-ի դիտակետում կատալոնյան իրադարձություններն են, որոնք շատերիս մտովի տեղափոխեցին 1988 թվական. մեր կռիվն ու մեր պահանջատիրությունը, որն, ի վերջո, պսակվեց հաղթանակով` բոլորիս տառապանքների, կորուստների, միակամության ու վճռականության շնորհիվ:
Համացանցում ակտիվ քննարկման նյութ է դարձել Ժիրայր Սեֆիլյանի հրապարակած ցուցակը, որտեղ ներկայացված գործիչներն, ըստ նրա, առաջիկայում հավակնում են կազմել փրկության ճակատ: Վազգեն Խաչիկյանի` ժամանակից շուտ ազատումը նույնպես շատերի սրտով չէր, քննադատությունների ու վատաբանումների պակաս չեղավ:
Մայրաքաղաքում տեղի ունեցած հայտնի վթարի ու քննադատությունների կենտրոնում հայտնված մակարոն տանող կնոջ, Գորիկ Հակոբյանի մահը քննարկողների և այլ դեպքերի վերաբերյալ գնահատականներ` ներկայացնում ենք տեսանյութում:
