Իսպանական ոստիկանությունը փորձում է ներխուժել Կատալոնիայի ընտրատեղամասեր, որտեղ անկախության հանրաքվեի քվեարկությունն է ընթանում, որը Մադրիդն անօրինական է համարում:
AP-ն հայտնում է, որ տեղամասեր ներխուժելու համար վահանակիր ոստիկաններն օգտագործում են մուրճեր եւ կտրիչներ: Կատալոնիայի Ժիրոնա քաղաքից ոչ հեռու Սանթ Ջուլիա դե Ռամիսի ընտրական կենտրոնում ընտրողների եւ ոստիկանների միջեւ տեղի է ունեցել քաշքշուկ: Առայժմ տուժողների մասին տեղեկություններ չկան, սակայն ոստիկանները մահակներ են օգտագործում։
Սպասվում է, որ Կատալոնիայի ղեկավար Կարլես Պուջդեմթոնը պետք է առաջիկա ժամերին քվեարկի Սանթ Ջուլիա դե Ռամիսի մարզական կենտրոնում:
Nacio Digital պարբերականը հայտնում է, որ Իսպանիայի ոստիկանության աշխատակիցները սկսել են ազատել դպրոցները եւ մյուս հաստատությունները, որոնք նախատեսված են Կատալոնիայի անկախության հանրաքվեի քվեարկության անցկացման համար, որոշ դեպքերում ոստիկանությունը ստիպված է մարդկանց ուժով դուրս բերել:
news.am