Քառօրյա պատերազմի մասնակիցների ստեղծած MindFly ընկերությունը լուրջ մրցակից է համարվում նույն գործունեությամբ զբաղվող շատ ու շատ այլ ընկերությունների համար. ՖՈՏՈՌԵՊՈՐՏԱԺ

Արդեն որոշ ժամանակ է, իր գործունեությունն է սկսել MindFly ընկերությունը, որի հիմնադիրները քառօրյա պատերազմի մասնակիցներ են՝ Երևանի բնակիչներ, 21-ամյա Նազար Խլոյանը և Արման Մարկոսյանը, ովքեր արդեն ունեն մեծ աշխaտանքային թիմ և որոշ հաջողություններ: Ստորև ներկայացնում ենք նրանց հետ անցակցրաց հարցազրույցը.

-Ինչպե՞ս որոշեցիք ստեղծել նոր ընեկություն:

-Միտքը ծագել էր դեռ վաղուց, քանզի կային նախադրյալներ: Փոքր էինք, զբաղվում էինք պարկուրով, նկարահանում և մոնտաժում էինք: Ժամանակի ընթացքում որոշեցինք ավելի կատարելագործել մեր գիտելիքները տվյալ ոլորտում և մեր նախաձեռնությունը սկիզբ չունեցավ։ Որոշեցինք դադար տալ այդ ուղղությամբ մտածելուն և գործել պարտադիր զիվորական ծառայությունն ավարտելուց հետո: Ծառայությունից հետո ստեղծեցինք նոր ընկերություն, այն անվանեցինք MindFly, որը կզբաղի գրաֆիկ-դիզայներական և վիդեոմոնտաժային աշխատանքերով, ինչպես նաև վեբ ծրագրավորմամբ, 3D մոդելավորմամբ, բջջային հեռախոսների, համակարգիչների տեխնիկական և ծրագրային սպասարկման աշխատանքներով: Ստեղծեցինք թիմ՝ համապատասխան մասնագետներով, որոնց շարքում ևս կան քառօրյա պատերազմի մասնակիցներ: Շնորհիվ մեր պրոֆեսիոնալ մասնագետների՝ ցանկացած ուղղություններով աշխատանքներն արվում են բարձր որակով: Հաճախորդների հետ անմիջական շփումը կնպաստի այն բանին, որ հաճախորդը առավել գոհ կմնա մեր կատարած աշխատանքներից, իսկ ինչպես ասում են՝ գոհ հաճախորդից լավ գովազդ չկա:

-Ինչո՞ւ հենց MindFly:

-Բավականին երկար մտածեցինք անվան շուրջ, թե ինչպես անվանենք ընկերությունը: Անվանումը պետք է լիներ խոսուն և հստակ բնութագրեր ընկերության աշխատանքային գործունեությանը: Իսկ ինչո՞ւ հենց MindFly, որովհետև այն թարգմանաբար նշանակում է մտքի թռիչք, մենք մեր աշխատանքներում փորձում ենք լինել առնվազն մեկ քայլ առաջ մեր աշխատանքային ոճով:

-Ի՞նչ հետագա զարգացումներ եք պատկերացնում:

-Բնականաբար, ամեն ոք, ամեն թիմ, ստեղծելով StartUp , կցանկանա, որ այն տվյալ ոլորտում դարձնի առաջատար, մենք նույնպես բացառություն չենք: Հաշվի առնելով մեր մասնագետների որակավորումը՝ կարծում եմ, որ կգրանցենք ցանկալիին մոտ ցուցանիշ: Ներկայումս ամեն ուղղվածությամբ, որով զբաղվում է ընկերությունը, ունենք 2 կամ 3 մասնագետ, իսկ ընկերության առաջխաղացմանը համապատասխան ցանկանում ենք ապահովել բարձր որակ, ձեռք բերել հաճախորդների վստահությունը և անգամ կարելի է ասել, որ արդեն իր տեղն է գրավել մրցակցային շուկայում: Այս պահին այստեղ գտնվելը արդեն ինչ որ բան ասում է, ինչու չէ նաև սկիզբն է հաջողության հասնելու ճանապարհին:

-Ո՞րն է ձեր՝ հաջողության հասնելու հիմնական գաղտնիքը:

-Իմ կարծիքով, հաջողության հասնելու համար մենք ունենք բոլոր նախապայմանները: Լավ մասնագետներով համալրված թիմը դեռ չի նշանակում, որ կհասնենք հաջողության, պետք է նաև կամզակերպվածություն, նպատակասլացություն և, ինչո՞ւ չէ, նաև հաճելի մթնոլորտ: Մենք ամեն ինչ անում ենք՝ դրան հասնելու համար: Ինձ թվում է՝ ամենակարևորը թիմային աշխատանքում հենց վերոնշյալ հատկանիշներն են, որը շատ լավ է կազմակերպվում մեր մասնագտների կողմից: Այսքանը ստեղծելուց հետո նոր կարելի է մտածել մեր հաջողության հասնելու մասին:

Հեռախոսհամարներ՝ 041 (055, 099) 667373:

Հարցազրույցը և լուսանկարները՝ Սմբատ Պետրոսյանի

© shamshyan.com

Նմանատիպ նորություններ

Ալավերդու գործարանի փակման վնասները․ «Ժողովուրդ»... «Ժողովուրդ» օրաթերթը գրում է․ «Հարավկովկասյան երկաթուղի» ընկերությունը այս տարվա երրորդ եռամսյակում նախորդ տարվա նույն ժամանակահատվածի համեմատ 144...
Քանի դեռ բանակցում ենք գազի գինը չի փոփոխվի․ Գարեգ... «Գազի սակագնի շուրջ բանակցությունները շարունակվում են։ Պայմանավորվածությունը դեռևս ինչ-որ կետի չի հանգել»,- կառավարության նիստից հետո լրագրողներին...
Մարտին Էռնեկյանը՝ Օդանավակայանների միջազգային խորհ... «Զվարթնոց» օդանավակայանի մամուլի բաժնից տեղեկանում ենք, որ Օդանավակայանների միջազգային խորհուրդը (ACI) հայտարարել է Մարտին Էռնեկյանին «Օդանավակայա...
Առաջիկայում ՀԷՑ-ը կվերացնի էլեկտրիկների ինստիտուտը... «Հայաստանի էլեկտրական ցանցեր» (ՀԷՑ) ՓԲ ընկերությունն առաջիկայում նախատեսում է  էլեկտրաէներգիայի հաշվիչները տեղավորել նոր տուփերում եւ, ըստ էության, այ...
Նախագահ Սարգսյանը ծանոթացել է «ՊիքսԱրտ» ընկերությա... Հանրապետության նախագահ Արմեն Սարգսյանն այսօր այցելել է «ՊիքսԱրտ» ընկերություն, ծանոթացել տեղեկատվական տեխնոլոգիաների ոլորտում գործող ընկերության ծրագր...
Դանիել Հաասը ներկայացրել է ՀՀ-ում KfW գերմանական զ... Փոխվարչապետ Մհեր Գրիգորյանն ընդունել է Գերմանիայի Դաշնային Հանրապետության Համագործակցության դաշնային նախարարության Կովկասի հարցերով պատասխանատու Դանիե...
«Ես չեմ հասկանում՝ ինչ է կատարվում. Մենք ոչնչից տե... Սեպտեմբերի 15-ից Վրաստանի տարածքում բեռնատարներով ցորենի ներկրումն ու տեղափոխումն արգելելու մասին Վրաստանի կառավարության որոշումը, որ շրջանառության մե...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով