«Աջ ղեկով մեքենաների շահագործումն արգելելու մասին դեռևս որևէ հստակ որոշում չկա, քննարկումներ են ընթանում»,- այս մասին կառավարության այսօրվա նիստից հետո լրագրողներին ասաց Տրանսպորտի, կապի և ՏՏ նախարար Վահան Մարտիրոսյանը:
Նա նշեց, որ ինքը փորձել է վարել աջ ղեկով մեքենա, չի կարողացել, անհարմար է: Հայաստանում աջակողման երթևեկություն է և, ըստ նախարարի, պետք է շահագործվեն միայն ձեխ ղեկով մեքենաներ: Դիտարկմանը, թե երբ են շրջանառությունից դուրս են բերվելու աջ ղեկով մեքենաները և արդյոք, աջ ղեկով մեքենա ունեցողները փաստի առաջ չեն կանգնի, նախարարը պատասխանեց. «Ժամանակ կտրամադրվի:
Կարող է 10 տարի, 20 տարի, կարող է 50 տարի ժամանակ տանք: Թող տանեն Հայաստանից դուրս վաճառեն այդ մեքենաները»: Հարցին, թե հնարավո՞ր է, որ աջ ղեկով մեքենաների ներմուծումն ու շահագործումն արգելելուց հետո ձախ ղեկով մեքենաները կթանկանան:
«Պետությունը հսկողություն կիրականացնի, որպեսզի արհեստական թանկացում չլինի»,- ասաց նախարարը: Նա նշեց, որ 2025թ.-ից Եվրասիական համաձայնագրերն ուժի մեջ են մտնելու, և Հայաստանը, որպես աջակողյան երթևեկության երկիր, պարտավոր է մինչ այդ լուծել աջ ղեկով մեքենաների շահագործումն արգելելու խնդիրը:
© shamshyan.com
