Շքանշանների հանձնման արարողություն Մայր Աթոռ Սուրբ Էջմիածնում

Загрузка...

Սեպտեմբերի 24-ին Մայր Աթոռ Սուրբ Էջմիածնի նորաբաց «Գարեգին Ա» կրթական կենտրոնում, տեղի ունեցավ շքանշանների հանձնման արարողություն։ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի ձեռամբ Հայաստանյայց Առաքելական Սուրբ Եկեղեցու «Սուրբ Սահակ-Սուրբ Մեսրոպ» պատվո բարձր շքանշան շնորհվեց Հայոց Ցեղասպանության մասին պատմող «Խոստում» ֆիլմի պրոդյուսեր Էրիկ Իսրայելյանին և ֆիլմի ռեժիսոր Թերի Ջորջին։

Հանդիսությունը բացվեց Մայր Աթոռի Արտաքին հարաբերությունների և արարողակարգի բաժնի տնօրեն Գերաշնորհ Տեր Նաթան արքեպիսկոպոս Հովհաննիսյանի և Հայկական Բարեգործական Ընդհանուր Միության (ՀԲԸՄ) նախագահ Պերճ Սեդրակյանի ողջույնի խոսքերով։
Ապա «Էջ Միածինն ի Հօրէ» շարականի ներքո բերվեցին հայրապետական պարգևները, որոնցով Ամենայն Հայոց Հայրապետը զարդարեց մեծարյալների կուրծքը։

Արարողությունն ամփոփվեց Գարեգին Բ Կաթողիկոսի օրհնության խոսքով։ Նորին Սրբությունը գոհունակությամբ նշեց, որ ՀԲԸՄ-ի նախաձեռնությամբ առիթ է ընձեռվել Հայոց Եկեղեցու և աշխարհասփյուռ ժողովրդի անունից Սուրբ Էջմիածնում բարձր պարգևների արժանացնելու երկու անձանց, որոնք իրենց կարևոր աշխատանքով ներկայացան ոչ միայն հայ ժողովրդին, այլև ողջ աշխարհին՝ դրանով իրենց ներդրումը բերելով հայոց ազգի իրավունքների և նրա նկատմամբ արդարության հաղթանակի նվիրական ու սուրբ գործին։

Վեհափառ Հայրապետը բարձրորեն գնահատեց ազգային հերոս, մեծ բարերար Քըրք Քըրքորյանի տեսիլքի իրագործման համար ներդրված ջանքերը։ Նորին Սրբությունը նկատեց, որ բազում փորձեր են արվել նկարահանելու Հայոց Ցեղասպանությանը նվիրված ֆիլմ և բնավ դյուրին չէ նման մեծածավալ, մոնումենտալ մի գործ իրականացնել։

Ամենայն Հայոց Կաթողիկոսն ընդգծեց, որ բոլորը մասնավոր ապրումներով ու զգացումներով են դիտել ֆիլմը, որովհետև ամենքի իղձն ու ցանկությունն էր ունենալ այնպիսի մի ֆիլմ, որը մարդկությանը ֆիլմարվեստի ճանապարհով կներկայացներ հայ ժողովրդի այն մեծ ողբերգությունը, որ իրագործվեց Օսմանյան Թուրքիայի կողմից, երբ մեկուկես միլիոն հայորդիներ նահատակվեցին իրենց պատմական հայրենիքում, իսկ մնացյալը հայրենազրկվեցին։

Նորին Սրբությունը շեշտեց, որ Աստծու ողորմությամբ հայ ժողովուրդը շնորհիվ իր հավատքի և մեծ կամքի կարողացավ վերապրել այդ ողբերգությունը և երեք տարի անց Սարդարապատում պարտության մատնել ցեղասպան թուրքի կանոնավոր բանակին։

Վերջում Հայոց Հայրապետն իր աղոթքն ու բարեմաղթանքներն ուղղեց ֆիլմի պրոդյուսերին և ռեժիսորին՝ նորանոր ներշնչանքներով արգասավորելու իրենց կյանքը և շարունակելու բարի գործեր մատուցել համայն մարդկությանը։

Նորին Սրբությունը նաև իր գնահատանքն ու շնորհավորանքները փոխանցեց կրթական կենտրոնի բարերարներ տեր և տիկին Հայկ և Էլզա Տիտիզյաններին հաստատության նորամուտի առիթով՝ մաղթելով քաջառողջ կյանքի բազում տարիներ՝ վայելելու իրենց եկեղեցաշեն ու հայրենանվեր բարի իրագործումները։

Արարողությանը ներկա էին Մայր Աթոռ Սուրբ Էջմիածնի և Մեծի Տանն Կիլիկիո Կաթողիկոսության միաբաններ, Մայր Աթոռի բարերարներ, ՀԲԸՄ անդամներ, մեծարյալների հարազատներ և մտերիմներ։

Այնուհետև հյուրերը շրջայց կատարեցին «Գարեգին Ա» կրթական կենտրոնում, ծանոթացան նորաբաց հաստատության պայմաններին։

Նույն օրը Մայր Տաճարում մատուցված Սուրբ Պատարագի ընթացքում, նախագահությամբ Ամենայն Հայոց Կաթողիկոսի, կատարվել էր հոգեհանգստյան արարողություն երջանկահիշատակ Գարեգին Ա Ամենայն Հայոց Կաթողիկոսի հոգու խաղաղության համար։

Մայր Աթոռ Սուրբ Էջմիածին, Տեղեկատվական համակարգ

«Իմ քայլը»դաշինքից ադրբեջանասեր պատգամավոր Մարիա Կարապետյանը քննարկում է դպրոցներում միասեռականության, սեռափոխության և այլ այլասերումների ու պղծությունների վերաբերյալ դասաժամերի ներմուծման անհրաժեշտության հարցը

17.02.2020

«Բա Սերժ Սարգսյանը թույլ կտար,որ Ալիևը մոռանա Սումգաիթն ու Բաքվի ջարդերը,Թալիշը ու ապրիլյանը».Վահան Բաբայան

15.02.2020

Կեցցե այն Հայաստանը, որտեղ «զինվորը» վերջին սերնդի ամենագնացով, թիկնազորով է պաշտպանում վարձակալած տունը

19.02.2020

Տեսաք չէ՞՝ վերջում Ալիևը ինչ ասեց, որ իբր 19-րդ դարի սկզբին Երևանի բնակչության մեծ մասը ադրբեջանցիներ են եղել

16.02.2020

Ես դիմում եմ ՀՀ ԱԱԾ-ին.Արշակ Զաքարյան

14.02.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...