Այսօր՝ սեպտեմբերի 30-ին երկարատեւ հիվանդությունից հետո 71 տարեկանում , մահացել է ՀՀ Ազգային անվտանգության ծառայության նախկին տնօրեն Գորիկ Հակոբյանը։
Նշենք, որ ՀՀ նախագահ Սերժ Սարգսյանի՝ 2016թ. փետրվարի 12-ի հրամանագրերով գեներալ-գնդապետ Գորիկ Հակոբյանն ազատվել էր ԱԱԾ տնօրենի պաշտոնից, նշանակվել ՀՀ նախագահի խորհրդականի պաշտոնում։
Կենսագրական տվյալներ
Ծնվել է 1946 թ.–ի, փետրվարի 11–ին, Լենինականում։
1963-1968 թթ. – ուսանել է Կ. Մարքսի անվան Երեւանի Պոլիտեխնիկական ինստիտուտում:
1969-1970 թթ. անցել է Մինսկի ԽՍՀՄ Պետական անվտանգության կոմիտեի բարձրագույն դասընթացներ։
Աշխատանքային գործունեություն
1970-1991 թթ. – ՀԽՍՀ ՊԱԿ-ի օպերլիազոր, ավագ օպերլիազոր, բաժանմունքի պետ, բաժնի պետի տեղակալ, բաժնի պետ։
1991-1995 թթ. – ՀՀ Ազգային անվտանգության պետական վարչության 2-րդ վարչության պետի տեղակալ, 2-րդ գլխավոր վարչության պետ։
1995-1997 թթ. – ՀՀ Ազգային անվտանգության նախարարության 2-րդ գլխավոր վարչության պետ։
1997-1999 թթ. – ՀՀ Ներքին գործերի եւ ազգային անվտանգության նախարարի տեղակալ։
1999-2003 թթ. – ՀՀ Ազգային անվտանգության նախարարի տեղակալ։
2003-2004 թթ. – ՀՀ ԿԱ Ազգային անվտանգության ծառայության տնօրենի տեղակալ։
2004 թվականի նոյեմբերի 8-ին ՀՀ Նախագահի հրամանագրով նշանակվել է ՀՀ ԿԱ Ազգային անվտանգության ծառայության տնօրեն։
ՀՀ Նախագահի 2011 թ. փետրվարի 16-ի հրամանագրով ծառայությունը ազգային անվտանգության մարմիններում երկարաձգվել է մինչեւ 2016 թվականի փետրվարի 11-ը։
Կոչումներ եւ շքանշաններ
Գեներալ-գնդապետ (17 դեկտեմբերի 2009 թ.)։
«Մարտական խաչ» 2-րդ աստիճանի շքանշան։
Սուրբ Վարդան Մամիկոնյանի շքանշան։
ՀՀ վարչապետի հուշամեդալ (2006)։
ՀՀ վարչապետի հուշանվեր (2013)։