Իրաքը դադարեցնում է միջազգային չվերթերը Քրդստանից

Իրաքի ավիացիոն իշխանությունները դադարեցնում են միջազգային բոլոր թռիչքները Իրաքյան Քրդստանի Էրբիլ եւ Սուլեյմանիա քաղաքների օդանավակայաններից՝ ինքնավար տարածաշրջանի անկախության հանրաքվեից հետո: Դա հետեւում է Իրաքի քաղաքացիական ավիացիայի վարչության հաղորդագրությունից։

«Սեպտեմբերի 29-ին տեղական ժամանակով ժամը 18:00-ին (Երեւանի ժամանակով 19:00-ին) դեպի Էրբիլ ու Սուլեյմանիա բոլոր չվերթերը եւ այնտեղից բոլոր թռիչքները կկասեցվեն մինչեւ հետագա իրազեկում»,- նշվում է վարչության մամուլի տեղեկագրում:

Sky News Arabia հեռուստաալիքը սեպտեմբերի 27-ին հայտնել է, որ քրդական իշխանությունները կտրականապես մերժել են 72 ժամվա ընթացքում Էրբիլում եւ Սուլեյմանիայում սահմանային բոլոր անցակետերի եւ օդանավակայանների նկատմամբ հսկողությունը դաշնային իշխանությունների կառավարմանը հանձնելու Բաղդադի պահանջը:

Սեպտեմբերի 26-ին Իրաքի դաշնային կառավարությունը Իրաքյան Քրդստանին երեք օր է տվել սահմանային բոլոր անցակետերն ու օդանավակայանները Բաղդադի կառավարմանը հանձնելու համար: Ինչպես հայտարարել է Իրաքի վարչապետ Հեյդար ալ Աբադին, որոշում է ընդունվել «երեք օրից արգելել միջազգային ավիաչվերթները Իրաքյան Քրդստան եւ այնտեղից, եթե օդանավակայանների հսկողությունը չհանձնվի համերկրային կառավարությանը»: Խոսքը վերաբերում է նաեւ Իրանի եւ Թուրքիայի հետ քրդական ինքնավարության սահմանների հսկիչ անցակետերին:

Սեպտեմբերի 25-ին Իրաքյան Քրդստանում հանրաքվե էանցկացվել ինքնավարության անկախության շուրջ: 3,44 մլն քվեաթերթիկների հաշվման արդյունքներով, ավելի քան 90 տոկոսը քվեարկել է անկախության օգտին: Հանրահարցման վերջնական արդյունքները դեռեւս չեն հրապարակվել, հաղորդել է ՌԻԱ Նովոստի գործակալությունը:

 

168.am

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով