Զոհված զինծառայողի եղբայրը մեկ տարի առաջ էր մահացել. ընտանիքը ծանր պայմաններում է ապրում. «ՀԺ»

Загрузка...

«Հայկական Ժամանակ» թերթը գրում է. «Երեկ Արցախում հակառակորդի կրակոցից զոհված զինծառայող 19-ամյա Սեյրան Սարգսյանը Տավուշի մարզի Թեղուտ գյուղի բնակիչ էր:

Ընտանիքն ապրում է ծայրահեղ ծանր սոցիալական պայմաններում: Այս մասին մեր զրույցում ասաց գյուղապետ Արարատ Թամրազյանը:

«Մեր գյուղի շատ չարքաշ ընտանիքներից մեկն է: Ծնողներն աշխատանք չունեն, երեք որդիներից ավագը մեկ տարի առաջ ավտովթարից էր զոհվել, Սեյրանն էլ ընտանիքի փոքրն էր, թոռնիկիս ընկերը: Ողջ գյուղը սգի մեջ է: Շատ խելոք, աշխատող տղա էր»,- ասաց Թամրազյանը:

Հարցին, թե ինչպե՞ս է տեղի ունեցել դեպքը, Արարատ Թամրազյանն ասաց, որ Սեյրան Սարգսյանը դիրքերում հակառակորդի արձակած կրակոցից վիրավորվել է, հոսպիտալ տեղափոխելու ճանապարհին մահացել:

Հիշեցնենք, որ 19-ամյա զինծառայողը զոհվել է երեկ ժամը 15:00-ի սահմաններում»:

 

«Հայկական Ժամանակ» թերթ

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...