Հաբեթնակ Կուրղինյան. Ցանկանում էի, որ տղաները մինչեւ վերջ պայքարեն

Загрузка...

ՀԱՕԿ լրատվականի հետ զրույցում ազատ ոճի ըմբշամարտի Հայաստանի հավաքականի գլխավոր մարզչի պաշտոնակատար Հաբեթնակ Կուրղինյանն ամփոփեց Փարիզում կայացած աշխարհի առաջնությունում հանդես եկած իր սաների մրցելույթների արդյունքները.

«Արդյունքը նորմալ է: Ես հատուկ մեդալ չէի ակնկալում: Ցանկանում էի, որ նրանք գոտեմարտեն ամբողջ ուժով, մինչեւ վերջ: Այդ ժամանակ էլ մեդալներ կլինեն:

Գարիկ Բարսեղյանից, Վալոդյա Ֆրանգուլյանից եւ Գրիգոր Գրիգորյանից ավելին էի սպասում: Նրանք կարող էին պայքարել մրցանակային տեղերի համար, ընդհուպ մինչեւ եզրափակիչ: Բայց սա սպորտ է: Չեմ կարծում, որ նրանց ինչ-որ բան խանգարեց: Պարզապես չստացվեց: Կարծում եմ, մարզական բախտը դեռ կժպտա նրանց:

Հիմա տղաները տասնօրյա հանգիստ կունենան: Այնուհետեւ կնախապատրաստվենք Ստեփան Սարգսյանի անվան միջազգային մրցաշարին, որը կանցկացվի հոկտեմբերի 6-ից 8-ը Վանաձորում: Հանդես կգանք ընդլայնված կազմով, այդ թվում հավաքականի առաջին համարներով: Գեորգի Կետոեւի եւ Լեւան Բերիանիձեի մասնակցության հարցը պարզ կդառնա 10-ից 15 օր հետո»,-ասաց Հաբեթնակ Կուրղինյանը:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...