«Քաղաքապետարանը 50 միլիոն դոլարի հողատարածք է նվիրաբերել «Spayka» ընկերությանը». Զարուհի Փոստանջյան

By | 27.07.2017

«Երևանի ավագանին ընտրություններից հետո երեք նիստ է գումարել, որոնք ոչ մի կապ չեն ունեցել երևանցու շահի հետ»,- այսօր լրագրողների հետ հանդիպման ժամանակ նման տեսակետ հայտնեց Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանը:

Նրա դիտարկմամբ՝ ամենակարևորը վերաբերում է Երևանի հողերին. «83 միավոր հողակտոր ներառվեցին օտարման ցանկի մեջ, ու այդ ցանկի մեջ ներառված հողակտորները պարզ չէ, թե ինչ են իրենցից ներկայացնում, ուղղակի կոդով նշված է հողատարածքի անվանումը և, թե մոտավորապես որ համայնքում է գտնվում, բայց թե որքա՞ն է կազմում, ի՞նչ տիպի հող է և ի՞նչ նպատակների կարող է ծառայել, մենք այդ տեղեկանքից ոչինչ չենք հասկացել: Երբ ավագանին մեծամասնությամբ հաստատեց այդ որոշումը, հասկանալի էր, որ դա կոռուպցիոն որոշում էր»:

Զ. Փոստանջյանը նշեց, որ մի ընկերություն, որը ներկայացնում է ներդրումային ծրագիր, երբ դիմում է քաղաքապետարան, դեռ չգիտի՝ արդյոք նման հողակտոր կա՞, թե՞ ոչ, որովհետև որևէ տեղ հրապարակված չէ, ոչ մեկի համար այդ տեղեկատվությունը հասանելի չէ:

«Բայց այստեղ հարց է առաջանում՝ ինչո՞ւ է «Սպայկա» ընկերության համար հասանելի այդ տեղեկատվությունը: Մենք գիտենք, որ այդ 83 հողակտորների վերաբերյալ արդեն կա ավագանու որոշում օտարման վերաբերյալ: Մեկ շաբաթ հետո տեսնում ենք՝ կառավարությունը որոշում է կայացնում նվիրաբերել «Սպայկա» ընկերությանը 164 հեկտար հողակտոր, որը շուրջ մեկ շաբաթ առաջ արդեն ավագանու որոշմամբ  ներառվել է օտարման ցանկի մեջ: Փորձեցինք ուսումնասիրել այդ տեղեկանքը, որը ներկայացվել էր կառավարությանը:

Կառավարությանը ներկայացված տեղեկանքի մեջ քաղաքապետարանը հիմնավորում է, որ «Սպայկա» ընկերությունը դիմել է քաղաքապետարանին, ներդրումային ծրագիր է առաջարկել, իրենք էլ որոշում են կայացրել այդ հողակտորը նվիրաբերել «Սպայկա» ընկերությանը: Այդ դիմումն իբրև թե քաղաքապետարան մուտք է եղել ամսի 19-ին, իսկ որոշումը կայացվել է 16-ին, ես այդ 19-ը կառավարության կայքից էի վերցրել: Երբ ես հարցումը գրեցի, հարցմանն ի պատասխան՝ ասացին, թե՝ դուք սխալվում եք, ամսի 19-ին չի դիմել «Սպայկա» ընկերությունը, այլ հենց ամսի 16-ին է դիմել: Ինչքա՞ն մատչելի է «Սպայկա» ընկերության համար այդ տեղեկատվությունը, այն դեպքում, որ այդ հողակտորը ծածկագրով է, ու նույնիսկ մենք չգիտեինք դրա մասին: Բայց ինչպե՞ս է լինում, որ հենց այդ նույն օրը, երբ ավագանին որոշում է կայացնում, «Սպայկա» ընկերությունն այդ որոշման հիման վրա միանգամից դիմում  է ու ներդրումային ծրագիր է ներկայացնում քաղաքապետարանին»,- հայտարարեց Զ. Փոստանջյանը:

Ըստ նրա՝ սա խոսում է կոռուպցիայի մասին: Նրա խոսքով՝ եթե դու մեկին նվիրաբերում ես այս արժեքի հող, նշանակում է՝ Երևանն ունի միջոցները, և այդ միջոցները չեն ծառայում իրենց նպատակին. «Այնտեղ նույնիսկ Ֆինանսների նախարարության եզրակացությունը կար, որ այս նվիրատվությունը «Սպայկա» ընկերությանը բավականին մեծ ռիսկեր է իր մեջ պարունակում: Իհարկե, այդ որոշումը չէր կարող մեկ անձ կայացնել, այս որոշումը կայացվում է Բաղրամյան 26-ում և համաձայնեցված է հենց Սերժ Սարգսյանի հետ»:

Ի դեպ, ըստ Զ. Փոստանջյանի՝ այդ հողատարածքի շուկայական արժեքը 50 միլիոն դոլար է:

Մանրամասները՝ 168.am-ի տեսանյութում:

Друзья переслали мне сегодняшний пост Тиграна Кеосаяна об Армении, Николе и Серже.Армен Ашотян

10.08.2020

«բարսեղյան լևոնիկ,մյուս անգամ, Սերժ Սարգսյանի անունը ռեխիցդ արտաբերելուց լեզուդ անպայման կկծես ու նոր կբառաչես». Հովհաննես Խաչատրյան

08.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Ավտովթարի հետևանքով մահացել է դերասաններ Արմեն Մարությանի ու Ալլա Վարդանյանի դստեր ընտանիքը

10.08.2020

Ալեն Սիմոնյանին վռնդել են Մաշտոցի պողոտայի «Ուրարտու» խանութից.Նարեկ Մալյան

08.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով