Վենեսուելայի սահմանադրական ժողովի ընտրությունների ընթացքում երեք մարդ է զոհվել

By | 31.07.2017
Загрузка...

Վենեսուելայի սահմանադրական ժողովի ընտրություններին զուգահեռ, երկրի Մերիդա և Սուքրե նահանգներում զոհվել է երեք մարդ:

Ռուսաստանի «Սպուտնիկ» լրատվական գործակալության կիրակի օրը կատարած հաղորդման համաձայն, սպանվածներից մեկը ընտրատեղամասերից մեկում հաստատված Վենեսուելայի անվտանգության ծառայության աշխատակիցներից է, իսկ մյուսը`  թեկնածուներից Խոսե Ֆելիքս Փինեդան, ով սպանվել է երկրի արևմուտքում գտնվող Մերիդա նահանգի իր տանը:

Վենեսուելայի դատախազության հայտարարության համաձայն` այդ երկրի ընդդիմադիրներից Ռիկարդո Կամփոսը Վենեսուելայի հյուսիսային Սուքրե նահանգի Քոմանաի տարածքում զոհվել է հրաձգության հետևանքով:

Այսպիսով Վենեսուելայի սահմանադիր ժողովի ընտրությունների հետ կապված զոհերի թիվը հասել է հինգ հոգու:

Միևնույն ժամանակ մայրաքաղաք Կարակասում ընդդիմադիր ցուցարարների հետ Վենեսուելայի անվտանգության ծառայության աշխատակիցների բախման ընթացքում տեղի ունեցած պայթյունի հետևանքով վիրավորվել է չորս մարդ:

Վենեսուելայի սահմանադիր ժողովի ընտրությունները մեկնարկել են  կիրակի առավոտյան:

Վենեսուելայի նախագահ Նիկոլաս Մադուրոն հայտարարել է, որ արևմտամետ ընդդիմադիրներին պաշտպանող ԱՄՆ-ի քայլերն են այդ երկրում լարվածության գլխավոր ազդակը :

 

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...