Վաղարշապատի հիվանդանոցում մահացածի հարազատները ջարդուփշուր են արել ապակիներն ու գույքը՝ սպառնալով բժիշկներին. shamshyan.com

By | 20.07.2017
Загрузка...

Հուլիսի 19-ին արտակարգ դեպք է տեղի ունեցել Արմավիրի մարզում։ Ժամը 22։00-ի սահմաններում շտապօգնության բրիգադը Էջմիածնի բժշկական կենտրոն է տեղափոխել 60-65 տարեկան տղամարդու դի։

shamshyan.com-ի փոխանցմամբ՝ արդեն հիվանդանոց ժամանած մահացածի հարազատները, տեղեկանալով, որ տղամարդը մահացել է, հիվանդանոցի վերակենդանացման բաժանմունքում ջարդուփշուր են արել գույքը, ապակիները և սպառնալիքներ տեղացել բժշկական անձնակազմի հասցեին։

Բժիշկների կանչով հիվանդանոց են ժամանել ոստիկանության Վաղարշապատի բաժնի ծառայողները, ովքեր տևական ժամանակ չեն կարողացել հանգստացնել մահացածի հարազատներին։ Բժիշկները հայտնել են, որ տղամարդը հիվանդանոց է տեղափոխվել արդեն մահացած վիճակում, և շտապօգնության բրիգադն ամեն ինչ արել է, որպեսզի նրա կյանքը փրկի։ Ըստ հիվանդանոցից ստացված տեղեկությունների՝ նա նախկինում ունեցել է սրտի հետ կապված խնդիրներ։

Փաստի առթիվ Վաղարշապատի բաժնի հետաքննչական բաժանմունքում նյութեր են նախապատրաստվում։

 

Shamshyan.com

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...