Սիրիայում Իրանը ևս 2 զինծառայող է կորցրել

By | 03.07.2017

Սիրիայում ահաբեկիչների դեմ մղած մարտերում սպանվել են Իրանի կողմից հովանավորվող «Ֆաթեմյուն» ջոկատի զինծառայողներ Նեմաթոլլահ Վահեդին և Սեյյեդ Մոհամմադ Սաջադին։  Այս մասին հուլիսի 3-ին տեղեկացնում է իրանական «Թասնիմ» լրատվական գործակալությունը։

Ըստ իրանական «ԻՌՆԱ» լրատվական գործակալության՝ Նեմաթոլլահ Վահեդին Սիրիա էր մեկնել Իրանի հարավարևմտյան Ահվազ քաղաքից։

«Ֆաթեմյունի» ջոկատը  կազմավորվել է 2014-ին, հիմնականում Իրան ներգաղթած աֆղանցիներից։ Ջոկատի զինծառայողների հստակ թվաքանակ հայտնի չէ։ Ըստ Wall Street Journal պարբերականի՝ աֆղանցիներին Իրանը ամսական 500 ԱՄՆ դոլար է վճարում։

Հիշեցնենք, որ հունիսի 18-ին Իրանի իսլամական հեղափոխության պահապանների կորպուսը (ԻՀՊԿ) 6 միավոր «մակերևույթ-մակերևույթ» դասի, միջին հեռահարության «Զոլֆաղար» հրթիռ էր արձակել Դեր Զորում «Իսլամական պետություն» ահաբեկչական խմբավորման դիրքերի ուղղությամբ։ Իրանի հրթիռակոծությունից 170-ից ավելի ԻՊ զինյալ էր սպանվել։

Իրանը համարվում է Սիրիայի ներկայիս կառավարության դաշնակիցներից մեկը, և չնայած Սիրիայում պարբերաբար իրանցի մարտիկներ են զոհվում՝ այնուամենայնիվ  իրանական իշխանությունները մշտապես հերքում են իրենց ռազմական ներկայությունն այդ երկրում: Իրանցի պաշտոնյաները նշում են, որ Իրանը Սիրիայում չունի մարտական ստորաբաժանումներ, ու իրանական կողմը Սիրիա է ուղարկում միայն ռազմական խորհրդատուներ:

«Ֆաթեմյունի» ջոկատից բացի Իրանը Սիրիա է ուղարկում նաև պակիստանցիներից կազմված «Զեյնաբիունի» ջոկատը։

 

 

 

Ռազմ.ինֆո

Друзья переслали мне сегодняшний пост Тиграна Кеосаяна об Армении, Николе и Серже.Армен Ашотян

10.08.2020

«բարսեղյան լևոնիկ,մյուս անգամ, Սերժ Սարգսյանի անունը ռեխիցդ արտաբերելուց լեզուդ անպայման կկծես ու նոր կբառաչես». Հովհաննես Խաչատրյան

08.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Ավտովթարի հետևանքով մահացել է դերասաններ Արմեն Մարությանի ու Ալլա Վարդանյանի դստեր ընտանիքը

10.08.2020

Ալեն Սիմոնյանին վռնդել են Մաշտոցի պողոտայի «Ուրարտու» խանութից.Նարեկ Մալյան

08.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով