Սառա Սանդերզը Սպիտակ տան նոր խոսնակ նշանակվեց

By | 22.07.2017
Загрузка...

Ի հետևումն Սպիտակ տան խոսնակի պաշտոնից Շան Սփայսերի հրաժարականին այդ պաշտոնում նրան փոխարինեց Սառա Հուքաբի Սանդերզը:

ԻՌՆԱ-ի հաղորդման համաձայն, Սպիտակ տան կապերի բաժնի նոր տնօրեն Անտոնի Սքարամուչին ուրբաթ օրը լրագրողների հետ առաջին ասուլիսի ժամանակ հայտարարեց, որ Սառա Հուքաբի Սանդերզը փոխարինել է Շան Սփայսերին:

Սքարամուչին լրագրողների հետ ասուլիսի ժամանակ պաշտպանեց ԱՄՆ նախագահ Դոնալդ Թրամփի վարած քաղաքականությունը:

Շան Սփայսերն ուրբաթ օրը հայտարարեց, որ վայր է դնում Սպիտակ տան խոսնակի լիազորությունները:

Սփայսերն իր հրաժարականը պայմանավորեց Դոնալդ Թրամփի կողմից Անտոնի Սքարամուչիի Սպիտակ տան կապերի բաժնի նոր տնօրեն նշանակվելով:

Մինչ այս Սպիտակ տան կապերի բաժնի տնօրենի պաշտոնը վարում էր Սփայսերը, սակայն Թրամփն այդ պաշտոնում նշանակելով Սքարմուչիին, Սփայսերից ուզել էր միայն խոսնակի դերում հանդես գալ:

Սփայսերն այս նշանակումը մեծ սխալ համարելով վայր դրեց իր լիազորությունները:

Վերջին ամիսներին Թրամփի վարչակազմի մի քանի պաշտոնատարներ հրաժարական են ներկայացրել:

Դոնալդ Թրամփի սկանդալային ու որոշ դեպքերում նաև վիրավորական բնույթի հրամանագրերը, արտահայտություններն ու պահվածքը պատճառ են դարձել, որ ամերիկացի քաղաքական գործիչներից շատերը նրան արժանի չհամարեն երկրի նախագահի պաշտոնի համար:

 

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...