Ուկրաինայի սահմանապահները կարող են Սաակաշվիլիին թույլ չտալ մուտք գործել երկիր

By | 29.07.2017

Ուկրաինայի պետական սահմանապահ ծառայության ղեկավար Օլեգ Սլոբոդյանը հայտարարել է, որ եթե Վրաստանի նախկին նախագահ և Ուկրաինայի Օդեսայի շրջանի նախկին նահանգապետ Միխեիլ Սաակաշվիլին քաղաքացիությունից զրկվելուց հետո որոշի Ուկրաինա վերադառնալ, ծառայությունը կարող է նրան չթողնել մուտք գործել երկիր, գրում է korrespondent.net-ը։

«Կգործենք օրենքի շրջանակում։ Այն քաղաքացին, որն ունի չգործող անձնագիր, չունի Ուկրաինայի սահմանը հատելու հնարավորություն։ Եթե մարդը զրկվում է քաղաքացիությունից, նրա անձնագիրը ճանաչվում է անվավեր»,- ասել է նա։
Միևնույն ժամանակ, Սլոբոդյանը հայտնել է, որ ծառայության իրավասությասն մեջ չի մտնում մարդկանց ձերբակալելը։ «Իրավաբանորեն դա իրականացնում է Ազգային ոստիկանության ստորաբաժանումը»,- ասել է նա։
Ավելի վաղ Սաակաշվիլին «Ուկրաինսկայա պրավդա»-ին տված հարցազրույցում հայտարարել է, որ ունի «շատ հնարավորություններ» Ուկրաինա վերադառնալու համար։
«Ուկրաինայում ես շատ կապեր ունեմ։ Ես նախկին ուկրաինացի սահմանապահ եմ։ Թող նա (Պյոտր Պորոշենկոն) այդ մասին չմոռանա։ Ես գիտեմ Ուկրաինայում բոլոր մուտքերն ու ելքերը»,- ասել է այժմ ԱՄՆ-ում գտնվող Սաակաշվիլին։
Նախկին նահանգապետը պատմել է, որ այժմ զբաղված է Համատեղ գործողությունների շտաբի ձևավորմամբ, և աշնանը պատրաստվում է երկրի բոլոր մարզերում հանդիպումներ անցկացնել, «մոբիլիզացնել մարդկանց և իշխանություններից պահանջել հիմնարար փոփոխություններ»։
Օդեսայի նախկին նահանգապետն ավելի վաղ հայտարարել էր, որ պայքարելու է Ուկրաինա վերադառնալու իրավունքի համար՝ չնայած, որ իշխանություններն իրեն զրկել են քաղաքացիությունից: Նա ասել էր, որ քաղաքացիությունից զրկվելուց հետո «կապրի Կիևում ու կքայլի Մայդանով»:
Հուլիսի 26-ին նախագահ Պորոշենկոն Սաակաշվիլիին քաղաքացիությունից զրկելու մասին հրամանագիր է ստորագրել: Հայտնի է, որ Վրաստանի նախկին նախագահն անկետա լրացնելու ժամանակ կեղծ տվյալներ է նշել: Նա, մասնավորապես, նշել է, որ քննության տակ չի գտնվում ո՛չ Ուկրաինայում, ո՛չ որևէ այլ պետությունում: Սակայն իրականում Սաակաշվիլին հեռակա կարգով կալանավորված է Վրաստանում:

tert.am

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

Սերժ Ազատի Սարգսյանի մասնակցությամբ կայանալիք դատական նիստը կհետաձգվի.Ամրան Մակինյան

20.05.2020

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով