Լոռիում գայլերն անասուններ են հոշոտել.«Առավոտ»

By | 13.07.2017

Լոռու մարզի Դեբեդ համայնքի բնակիչները վախենում են իրենց անասուններին սար տանել: Համայնքի շատ ընտանիքների միակ ապրուստն անասնապահությունն է, սակայն արդեն բազմաթիվ դեպքեր են գրանցվել, երբ գայլը հարձակվել ու հոշոտել է հորթերին:

-Մեր հորթն էլ է կերել մի քանի օր առաջ: Ամեն օր էլ հարձակվում են: Հենց էսօր էլ իմացանք, որ սարում գայլը նորից հորթ է կերել,-ասում է համայնքի բնակիչ Խոսրով պապը: Դեբեդ գյուղի ավագանու անդամ Աշոտ Ղազարյանի ընտանիքին եւս գայլերը վնաս են հասցրել:

Մի քանի օր առաջ էլ գայլը հոշոտել է այս ընտանիքին պատկանող հորթը. «Ամենացածր գնով, եթե հաշվենք, կոնկրետ մեր ընտանիքին մի 60.000 դրամի վնաս է հասցվել: Բայց կան ընտանիքներ, որոնք միայն անասնապահությամբ են զբաղվում, եւ իրենց կենսակերպի ապահովման միակ աղբյուրը դա է հանդիսանում, իրենց վնասն ավելի զգալի է: Քանի որ իրենք նպատակ ունեն հորթը պահեն, մեծացնեն, որ ձմռանը գոյատեւման հարցերը լուծեն»:

Այս տարվա ընթացքում համայնքի ավելի քանի 15 ընտանիք գայլերի հարձակումներից բազմաթիվ կորուստներ է կրել: Գայլերը նույնիսկ գյուղ են հասել, ձիու քուռակ ու ավանակ հոշոտել: Բնակիչներն ասում են, որ իրենք փոխհատուցում ստանալու խնդրանքով պատկան մարմիններին երբեւէ չեն դիմել: Ասում են, միեւնույն է, դրանից ոչինչ չի փոխվելու.

«Ո՞ւմ դիմենք, ի՞նչ անենք, տենց բան չկա: Գյուղացուն էն ո՞վ ա հաշվի առնում, որ մի հատ էլ փոխհատուցում տան»,-ասում է Խոսրով պապը: Աշոտ Ղազարյանն էլ կարծում է, որ խնդրով պետք է զբաղվեն համապատասխան նախարարությունները. «Շատ դեպքեր են եղել, բայց ոչ մեկին չենք դիմել, որովհետեւ փոխհատուցում չէր լինելու:

Բայց նաեւ չի կարելի այդ հարցը բարձիթողի վիճակում թողնել: Պատկան մարմիններն այնպիսի միջոցառումներ չեն իրականացնում, որ վնասները նման ծավալների չհասնեն: Ունենք բնապահպանության, գյուղատնտեսության նախարարություններ, բայց թե ինչո՞վ են զբաղվում, չգիտենք: Հեռուստացույցով խոսում են` հավեսդ գալիս է, բայց գործնականում գյուղացուն որպես օգուտ, ոչ մի բան դեռ արած չկան: Կոնկրետ Դեբեդ գյուղի բնակիչը` որպես գյուղացի, չգիտի տենց դեպք, որ պատկան մարմինների կողմից կատարված քայլերը, կամ ընդունած որոշումները իրենց օգուտ են տվել»:

Друзья переслали мне сегодняшний пост Тиграна Кеосаяна об Армении, Николе и Серже.Армен Ашотян

10.08.2020

«բարսեղյան լևոնիկ,մյուս անգամ, Սերժ Սարգսյանի անունը ռեխիցդ արտաբերելուց լեզուդ անպայման կկծես ու նոր կբառաչես». Հովհաննես Խաչատրյան

08.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Ավտովթարի հետևանքով մահացել է դերասաններ Արմեն Մարությանի ու Ալլա Վարդանյանի դստեր ընտանիքը

10.08.2020

Ալեն Սիմոնյանին վռնդել են Մաշտոցի պողոտայի «Ուրարտու» խանութից.Նարեկ Մալյան

08.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով