Լավրով. Ամերիկյան Կոալիցիան ձգտում է պահպանել «Ջեբհաթ-ալ-Նուսրա»-ն

By | 22.07.2017
Загрузка...

Ռուսաստանի ԱԳ նախարարն ընդգծելով այն կետը, որ ԱՄՆ-ի հրամանատարության ներքո այսպես կոչված ԻԼԻՊ-ի դեմ պայքարող կոալիցիան երբևե Սիրիայում չի կռվել «Ջեբհաթ-ալ-Նուսրա»-ի դեմ, ասաց. «Ամերիկյան կոալիցիան ձգտում է պահպանել ահաբեկչական այս խմբին»:

ԻՌՆԱ-ի հաղորդման համաձայն, Սերգեյ Լավրովն ուրբաթ օրը ամերիկյան NBC հեռուստակայանին տված հարցազրույցում ասաց. «Քանի որ ԱՄՆ-ն ցանկություն չունի պայքարել «Ջեբհաթ-ալ-Նուսրա»-ի դեմ, Սիրիայում ահաբեկիչների դեմ ուղղված քայլերը համադրելու կապակցությամբ Ռուսաստանի հետ այդ երկրի համաձայնությունը ձախողվել է»:

Լավրովը Սիրիայում լարվածության մեղմացման տարածքների ստեղծումն այդ երկրի ճգնաժամի կարգավորման ուղղությամբ կարևոր նախագիծ համարելով, հույս հայտնեց, որ այդ նախագծի գործադրմամբ առավել ազդեցիկ պայքար կմղվի ահաբեկչական խմբերի, այդ թվում «Ջեբհաթ-ալ-Նուսրա»-ի դեմ:

Իրանը, Ռուսաստանն ու Թուրքիան 2017 թվականի մայիսի 4-ին Աստանայում կայացած սիրիական բանակցությունների չորրորդ շրջանում ստորագրեցին Սիրիայում չորս ապահով տարածքների ստեղծման մասին համաձայնագիրը որը տարածվում է Իդլիբ նահանգի, Հոմս քաղաքի հյուսիսային տարածքի, արևելյան Ղութայի և Սիրիայի հարավային տարածքի պարագային:

Չորս ապահով տարածքների ստեղծման մասին համաձայնագիրը գործադրման է հանձնվել մայիսի 6-ից:

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...