Թուրքիայում հեղաշրջման փորձն իր ազդեցությունը չունեցավ անձնապես հայ համայնքի վրա․ Բագրատ Էստուկյան

By | 17.07.2017

Մեկ տարվա ընթացում Թուրքիան ամբողջապես մենատիրական կարգերի գնաց․ Tert.am-ի հետ զրույցում ամփոփելով ուղիղ մեկ տարի առաջ Թուրքիայում տեղի ունեցած հեղաշրջման փորձից հետո եղած զարգացումները՝ ասաց Ստամբուլում լույս տեսնող «Ակոս» պարբերականի հայերեն էջերի խմբագիր Բագրատ Էստուկյանը:

«Հանրապետության նախագահը, բոլոր լիազորություններն իր ձեռքում պահելով, լիարժեք ազատություն ստացավ: Մանավանդ ապրիլի 16-ի սահմանադրական հանրաքվեից հետո օրինականացավ նրա այդ մենաշնորհը: Խորհրդարանն այլևս կորցրեց իր նշանակությունը: Կարելի է ասել հանրապետության նախագահի ցանկությունները վավերացնող նոտար է դարձել այն»,- ասաց նա:

Հիշեցնենք, որ անցյալ տարվա հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալություններ երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել է արտակարգ դրություն: Հեղաշրջման փորձի համար Թուրքիայի նախագահ Ռեջեփ Թայիփ Էրդողանը մեղադրում է «Հիզմեթ» («Ծառայություն») կրոնական շարժման հիմնադիր և իր հակառակորդ Ֆեթուլլահ Գյուլենին, որը ներկայում բնակվում է ԱՄՆ Փենսիլվանիա նահանգում:

Բագրատ Էստուկյանը մատնանշեց՝ հեղաշրջման փորձից հետո բազմահազար մարդիկ ձերբակալվեցին․ հեղաշրջումը կազմակերպելու մեջ մեղադրվեցին թուրք գործիչ Ֆեթուլլահ Գյուլենին սատարողները, ինչպես նաև՝ շատ այլ անմեղ և գյուլենականների հետ ընդհանրապես կապ չունեցող մարդիկ հայտնվեցին  բանտերում, հետապնդումների և հալածանքների ենթարկվելով:

«Պաշտոնազուրկ եղածների թիվն արդեն հասել է 150 հազարի: Երկիրը խիստ անկայուն վիճակում է գտնվում, և կարևոր անհանգստություն է տնտեսական անկայունությունը, որովհետև ներդրումներն են պակասել, կարելի է ասել, որ օտարերկրյա ներդրողներն սկսել  են իրենց  ներդրումներն այլ երկրներ տանել, փոխանակ այստեղ պահելուն»,- ասաց նա:

Բագրատ Էստուկյանի խոսքով՝ սեփական երկրում նման քաղաքականություն վարելով՝ Թուրքիայի նախագահ Ռեջեփ Թայիփ Էրդողանը նպատակ ունի նաև արտաքին քաղաքականությունում հաջողություններ հասնելու, սակայն դա նրան, ըստ Էստուկյանի, չի հաջողվի: «Էրդողանը կամ Թուրքիայի իշխող կուսակցությունը, իշխող գաղափարախոսությունը ցանկանում է, որ Միջին Արևելքում կարևոր դերակատարում ունենա, այդ առումով շահագործեց Սիրիայի հիմնախնդիրը և ձախողեց իր քաղաքականությունը»,- ասաց նա:

«Ակոսի» խմբագիրը նշեց, որ Էրդողանի խնդիրներն  այս ընթացքում շատացան նաև ներքաղաքական կյանքում՝ քրդական հիմնախնդրի հետ կապված: «Բավականին քրդաբնակ քաղաքներ կործանվեցին, քրդական տարածքներում այժմ իննսուն տոկոսով քչացած բնակչություն կա»,- ասաց նա:

Բագրատ Էստուկյանը նկատեց, որ Էրդողանն իր իշխանության վերջին տարիներին կարողացավ իր շուրջը համախմբել Թուրքիայի ազգայնական խմբերին, ինչից տուժեցին ընդդիմադիր ոչ աշխարհիկ կուսակցությունները: «Հատկապես շատ տուժեց Ժողովրդադեմոկրատական կուսակցությունը, որի առաջնորդները, տասը պատգամավորները հիմա բանտերում են»,- ասաց նա:

Բագրատ Էստուկյանի խոսքով՝ հեղաշրջման փորձն իր ազդեցությունը չունեցավ անձնապես հայ համայնքի վրա: «Ընդդիմադիրների վրա է այն ազդեցություն ունեցել, նշանակություն չուներ՝ գյուլենական էիր, թե՝ ոչ: Նրանք, ովքեր կառավարությանը, Էրդողանին դեմ էին, այս ընթացքում տուժեցին, բայց հատուկ հայերի համար ժխտական զարգացումներ չեղան»,- ասաց նա:

«Գրիգորի Խաչատուրովը մեր զինվորների ու սպաների հետ սահմանա պահում իսկ երկրի վայղեկավարը չկա».Վահան Բաբայան

13.07.2020

Քիչ առաջ ադրբեջանցի ընդդիմադիր հայտնի լրագրող-բլոգերներից մեկը գրել էր, թե սպանվել են գեներալ-մայոր Փոլադ Հաշիմովը և գնդապետ Իլգար Միրզեևը.«Ռազմինֆո»

14.07.2020

Ով չգիտի, ասեմ` Կյանքի Խոսքը, հիսունականները և մնացած աղանդները հենց էս սատանիստական «կրոնի» ճյուղերն են

10.07.2020

Հիմա նայեք Ալեն Սիմոնյանի անբարոյականության աստիճանը

14.07.2020

Տիկի՜ն դուք ձեզ համար հորինել եք հայրենիք, որ երբեք ձեզ չի պատկանել, դուք ուզում եք յուրացնել ուրիշի հայրենիքը.Արփինե Հովհաննիսյան

14.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով