Բաքուն «անհասկանալի» և «զարմանալի» է որակում ՌԴ հայազգի քաղաքացիների հարցով «Մոսկվայի ակտիվությունը:

By | 06.07.2017
Загрузка...

Բաքուն արձագանքել է Ռուսաստանի արտգործնախարարության՝ այսօր տարածած հայտարարությանը, որում Մոսկվան դարձյալ մտահոգություն էր հայտնել Ադրբեջանում Ռուսաստանի հայազգի քաղաքացիների հանդեպ շարունակվող խտրական վերաբերմունքի կապակցությամբ՝ վերահաստատելով Ռուսաստանի վճռականությունը՝ իր քաղաքացիների խախտված իրավունքների վերականգնման հարցում:

Ադրբեջանի արտգործնախարարությանը զարմացրել է հայկական ծագմամբ ՌԴ քաղաքացիներին երկիր մուտք գործելիս ստուգման ենթարկելու գործընթացի հանդեպ՝ ՌԴ արտաքին գերատեսչության արձագանքը, գրում է ադրբեջանական minval.az կայքը:

«Ռուսաստանի ԱԳՆ-ի արդեն երկրորդ հայտարարությունը հայկական ծագմամբ ՌԴ քաղաքացիներին երկիր մուտք գործելիս ստուգելու հարցի առնչությամբ՝ զարմանք է առաջացնում և անհասկանալի է»,- ըստ minval.az-ի, հայտարարել է Ադրբեջանի արտգործնախարարությունը, ընդգծելով, որ ՌԴ արտգործնախարարության հաղորդումը «դուրս է դիվանագիտական էթիկայի սահմաններից»:

«Այս հայտարարությունը չի համապատասխանում Ադրբեջանի և Ռուսաստանի ռազմավարական գործընկերության ոգուն»,- նաև նշված է Ադրբեջանի արտաքին գերատեսչության մամլո ծառայության հաղորդման մեջ: Դրանում պաշտոնական Բաքուն նշում է նաև, թե երկու երկրների միջև 25-ամյա դիվանագիտական հարաբերությունների պատմության ընթացքում այդ հարցը երբեք օրակարգային չի եղել, «հետևաբար դժվար է հասկանալ դրա վերաբերյալ ռուսական կողմի ակտիվության պատճառը»:

 

«Ազատություն» ռ/կ

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...