Արա Բաբլոյանն ընդունել է Հայաստանում Բուլղարիայի դեսպանին

By | 04.07.2017

ՀՀ ԱԺ նախագահ Արա Բաբլոյանը հուլիսի 4-ին ընդունել է ՀՀ-ում Բուլղարիայի Հանրապետության արտակարգ եւ լիազոր դեսպան Մարիա Պավլովա Ցոցորկովա-Կայմակտչիեւային:

Ողջունելով դեսպանին ՀՀ Ազգային ժողովում՝ Արա Բաբլոյանն ընդգծել է երկու ժողովուրդների միջեւ ձեւավորված վաղեմի բարեկամությունն ու մշակութային առնչությունները, ինչը հիմք է հայ-բուլղարական հարաբերությունների զարգացման համար:

Արա Բաբլոյանը կարեւորել է խորհրդարանական դիվանագիտության դերը երկկողմ հարաբերությունների ամրապնդման եւ համագործակցության խորացման գործում:

ՀՀ ԱԺ նախագահն ընդգծել է խորհրդարանական բարեկամական խմբերի գործունեության կարեւորությունը եւ նշել, որ պատգամավոր Ջեմմա Բաղդասարյանը կղեկավարի առաջիկայում ձեւավորվող ԱԺ Հայաստան-Բուլղարիա բարեկամական խումբը:

Խորհրդարանի ղեկավարն անդրադարձել է մեր երկրում իրականացված սահմանադրական բարեփոխումներին՝ նշելով, որ Հայաստանն անցել է խորհրդարանական կառավարման համակարգին: Արա Բաբլոյանը Բուլղարիայի հետ համագործակցությունը կարեւորել է նաեւ Հայաստան-ԵՄ հարաբերությունների տեսանկյունից:

ՀՀ ԱԺ նախագահը, անդրադառնալով տարածաշրջանային խնդիրներին, կարեւորել է Լեռնային Ղարաբաղի հակամարտության խաղաղ կարգավորման հարցում Բուլղարիայի հավասարակշռված դիրքորոշումը՝ ԵԱՀԿ Մինսկի խմբի համանախագահների եւ ԵՄ ընդհանուր դիրքորոշմանը համահունչ:

Դեսպան Մարիա Պավլովա Ցոցորկովա-Կայմակտչիեւան, շնորհակալություն հայտնելով ընդունելության համար, բարձր է գնահատել երկու երկրների միջեւ առկա հարաբերությունները: Նա հատկապես կարեւորել է Բուլղարիայի հայ համայնքի դերը երկկողմ հարաբերությունների ամիապնդման հարցում: Դեսպանը վստահեցրել է, որ իր դիվանագիտական առաքելության ընթացքում կշարունակի անել հնարավորը ձեւավորված հարաբերություններն առավել զարգացնելու եւ խորացնելու համար: Մարիա Պավլովա Ցոցորկովա-Կայմակտչիեւան, արժեւորելով խորհրդարանների բարեկամական խմբերի միջեւ համագործակցությունն ու միջազգային տարբեր խորհրդարանական հարթակներում փոխգործակցության խորացումը, նշել է, որ Բուլղարիա-Հայասատան բարեկամական խումբն արդեն ձեւավորվել է:

Զրուցակիցները կարեւորել են երկու երկրների միջեւ համագործակցության առավել ընդլայնումն ու զարգացումը քաղաքական, տնտեսական, մշակութային, կրթական եւ այլ ոլորտներում:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով